Difarense intrà łe version de "Storia del Maroco"

La '''storia del Maroco''' la scominsia co el neolitico. I ricatamenti paleontologici i dixe che i primi abitanti del Maroco i xe rivà qi da est e che i fasea parte de la cultura capsiana, nome che vien da quel de Capsia (ancò Gapsia) na sità en [[Tunisia]].

 

10.000 ani fa el [[Maroco]] el xera diverso da ancò. Le tere le xera meno aride e do ancò se cata el deserto alora ghera la savana co albari e corsi d’acqua. El xe en sto teritorio che se cata segni de la cultura capsiana. I [[berberi]], popolasion comun a tuto el [[Maghreb]], i xe rivà ntorno al 2.000 a.C. I berberi i gha dato el nome al Maroco, Mur Akush vol dir La tera de Dio e el xera el nome de de Marrakech, e da qi deriva el nome del paexe.Popolasioni iberiche e axiatiche le se rivà so le coste a lo steso tenpo.

 

Marcanti [[fenici]] i gha costruio aprodi e depositi longo la costa setentrionle marochina za nel XII secolo a.C. Chella, Lixus e Mogador le xera le colonie pi grandi. Le colonie fenice le xe finie soto el control de [[Cartàxene]] verso el V secolo a.C. Verso el II secolo a.C. le popolasioni berbere le se sa organizà en regni che controlava l’interno del nord Africa, speso soto el control de Cartàxene o de Roma. Tuto el Maroco el xe finio rentro a l’impero romano en tel 40 a.C. I romani i controlava solo che la costa e i ghe lasà el control de l’interno a le tribù berbere che le pagava le tase a Roma. Co la caduta de l’inpero romano, la region la xe pasà soto el controlo de i vandali (V secolo d.C.), de i visigoti e poi de i bizantini.

 

I misionari cristiani i xe rivà qi en tel II secolo d.C. e i gha convertì la popolasion. Molti misionari de la Mauretania, come el nord del Maroco el xera conosù alora, i xe vegnudi en Eoropa par predicar el vangelo. Tra questi [[San Zen]] e San Valentino. En te i primi secoli de la nostra era varie comunità de ebrei le vivea en tel nord del Maroco.

 

[[File:Rabat tour Hassan.jpg|thumb|200px|right|La tore de Hassan]]

Le invasioni arabe le xe rivà en Maroco en tel VII secolo e i berberi i xe stà convertidi co la forsa, ma i no xe riusidi a far canbiar le tradisioni. I berberi i gha speso rivestì de Islam i loro costumi e cultura, el xera on modo de resistar a i opresori arabi.

 

[[File:Almoravid-empire-en.svg|thumb|left|250px|Regno Almoravide]]

En te i secoli XI e XII, le dinastie berbere Almoravide, Almohade e Marinide le gha controlà el Maghreb e l’Andalusia (Spagna). Ste dinastie no le xe sta boen de darghe unità a la popolasion. La dinastia Saadi la gha governà sul Maroco dal 1511 al 1659, seguida da la dinastia Alauita, che la gha governà fin a i tenpi moderni.

 

Dopo verghe conquistà la cavedal Fes, i Alauiti i gha conquistà Marrakech e portà on senso de unit al paexe. Anca se a i inisi el regno el xera pi picolo del Maroco de ancò, i Alauiti i xe stà boni de conquistar novi teritori col pasar de i ani. Co el tenpo, i Alauiti i gha perso autorità, ma i xe riusidi a mantegnar l’indipendensa, en on periodo co tuti i paexi visini i xe cascà soto l’influensa otomana o de le potense eoropee.

 

I inglexi i gha riconosù a la Fransa el dirito de interesarse al Maroco. La Germania la gha obietà. Co el tratato de Algericas del 1906, le potense eoropee le ghe dava a Spagna e Fransa el mandato de interesarse del Maroco. I todeschi i gha creà na seconda crisi en tel 1911 e el tratato de Fes (1912) el sa risolto col trasformar el Maroco en on protetorato francexe. El tratato el ghe dava a la Spagna el control de serte rregioni. El sultano el regnava ma no podea governar. La Fransa la gha svilupà el setore minerario e agricolo.

 

[[File:Casablanca1950s.jpg|thumb|left|250px|[[Casablanca]] en tel 1950]]

I separatisti de la region del Rif i gha proclamà la republica el 18 setenbre 1921. Le armate francexe e spagnola le gha atacà el Rif e meso fin a la republica el 27 magio 1926. On grupo de naxionalisti i gha fondà el Comitato d’Axion Marochino (CAM) en tel dicembre 1934. El CAM fasea presion so i francexi usando i mass media e el dialogo. Sta tatica no la gha funsionà. El CAM el se sa divixo en do, co on grupo che gha formà on partito nasionalista subito sopreso da i francexi. Altri grupi nasionalisti i gha provà a far presion so i francexi.

En tel dicenbre 1952 la morte violenta de on lavorator tunixino la gha fato scopiar de i tumulti. I francexi i gha subito sopreso el partito comunista e el Istiqlal. I tumulti i gha continuà e i francexi i gha mandà el sultan, Mohammed V, in exilio en Madagascar, metendo al so posto Mohammed ben Aarafa. La popolasion la considerava ben Aarafa ilegitimo ela gha protestà ancora pi forte. I francexi i gha dovù portar el sultan ndrio e scominsiar el dialogo par rivar a l’indipendensa.

 

[[File:Rabat Mausole MohammedV.jpg|thumb|250px|Tonba de Mohammed V a Rabat]]

El sultan Mohammed V el xe stà bon de negosiar el pasagio a l’indipendensa sensa crear strapi par i do paexi. El gha anca dato la posibilità a I grupi de oposision de participar a la vita politega del paexe trasformando el sultananto en ona monarchia parlamentare. L’indipendensa la xe rivà el 7 aprile 1956. La Spagna la gha restituido la so parte de Maroco en tel 1958, ma la tegnù el controlo de Ceuta, Melilla e altre aree che le xera spagnole anca prima del tratato de Fes.

 

El 3 marso 1961, Hassan II el xe diventà re del Maroco. Hassan el gha subito mostrà de esar on re totalitario, sensa rispeto par le oposisioni o el dirito de la persona. El se sa nominà primo ministro e el gha scrito na nova Costitusion, aprovada en tel dicenbre 1962. Dal 1965 al 1970, el re el sa tolto el control de tuti i poteri, legislativo giudisiario e de la sicuresa interna. El mancà ritorno a la piena democrasia el gha portà a do tentativi de colpo de stato en tel 1972 e 1973. El re el xe morto el 23 lulio 1999.

 

[[File:Mohammed VI of Morocco.jpg|thumb|left|Re Mohammed VI]]

Dopo poche ore da la morte de so pare, Mohammed VI el xe stà incoronà re del Maroco. El gha subito vù na fama de modernisator. Dopo pochi giorni el gha parlà a la television prometendo la lota a la corusion e de laorar par lo svilupo. El gha anca promeso de mejorar el rispeto de le libartà siviche. En tel 2004 el gha promoso de le legi che ghe da a le done pi libartà.

 

{{varda anca|Storia del Sahara Ocidentale}}

Co la Spagna la se sa ritirà dal Sahara Ocidental en tel 1975, Maroco e Mauritania le gha ocupà el teritorio, contro el voler de i abitanti. I residenti del Sahara Ocidental i gha organizà el [[Fronte Polixario]] par conbatar par l’indipendensa. La Mauritania la gha dovù lasar el Sahara Ocidental dopo verghe perso i scontri direti co i guerilieri del Polixario. El Maroco insiste che el teritorio del Sahara Ocidentale el xe suo de dirito. Par difendarse da i atachi de i guerilieri, el Maroco el gha costruio miliari de km de mura par difendar la so zona de influensa. En tel 1988, Maroco e Fronte Polixario i gha aprovà on piano de le Naxioni Unie par organizar on referendum de autodeterminasion. El referendum el xe stà rimandà on mucho de olte, mentre che i marochini i continua a mandar novi coloni en tel Sahara Ocidental.

 

{{Storia stati de l'Africa}}

[[Categoria:Maroco]]

[[Categoria:Storia de l'Africa| Maroco]]

[[ja:モロッコの歴史]]

[[lt:Maroko istorija]]

[[ms:Sejarah Maghribi]]

[[nl:Geschiedenis van Marokko]]