Difarense intrà łe version de "Giografia de la Tanzania"

Contenuto cancellato Contenuto aggiunto

In linea

Version de le 17:26, 14 maj 2010

La giografia de la Tanzania] la presenta vari aspeti interesanti. En te la Tanzania se cata quasi tuti i ecosistemi africani. El Monte Kilimanjaro la xé la montagna pi alta del continente. Rente del Kilimanjaro se cata el monte Meru e pi a ovest el Oldoinyo le Nkai, che i xé volcani ativi. Senpre a ovest del Kilimanjaro se cata i pianori del Serengeti, che ancó i forma on parco naxional famoxo par le bestie selvadeghe e par i panorami. Rente del Serengeti se cata l’Olduvai Gorge. On vajo do i studioxi i ga fato de i ricatamenti fosili de i primi ominidi. A nord del Serengeti ghe xé vari laghi salai, el pi grando el xé el Lago Natron. Piasé a ovest, al confin co el Kenya e l’Uganda, se cata el Lago Vitoria, el pi grande lago africano. A sud del Vitoria, se cata el Lago Tanganyika. El sentro del paexe el xé on pianoro de savane e bascalie.

La costa oceanica la xé calda e umida. So la costa se cata la sità pi grande de la Tanzania, Dar es Salaam. Le ixole de Zanzibar, Penba, e de Mafia, co altre minori, le se cata pena fora da la costa a nord del paexe. El paexe el xé divixo en 25 regioni: 20 en tel continente, 2 so Zanzibar e 2 so Pemba.

Clima

El clima el xé caldo tropicale so la costa, pi fresco a l’interno. L’estate la xé quela australe (da novenbre a fevraro). La piova la vien en te la stagion dopo la luna de primavera (marso – magio) e a l’inisio de l’està en tel nord del paexe. A sud, la piova la vien da dicenbre a avril.