Blu

Blu
Coordenae de cołore
Hex	0000FF
RGB (r, g, b)	(0, 0, 255)
CMYK (c, m, y, k)	(100, 100, 0, 0)
HSV (h, s, v)	(240°, 100%, 100%)
Ciave CSS	blue

El blu (dito en maniera più s-ceta blò, anca se nol xé più doprà ancó) el xé un dei cołori del spetro ełetromagnètego chei pol èser visti dal'omo e partegnénte al "spetro del vixìbiłe". El se cata intrà el cian e el viołeto e el ga na longhésa d'ónda a ocio de 470 nanòmetri. El xé un dei tre cołori primari, conpagno al xało e al roso. El so cołor conplementar el xé el naranson.

El blu el xé el cołor del sieło parché łe mołècołe de gas che łe conpon l'atmosfera łe refranxe soło ła łuxe blu che ła ga łonghésa d'onda menor, méntre łe łonghése d'onda magiore łe vien refrese. L'aqua dei grandi speci (mari, laghi...) ła xé blu parché łe bande energèteghe łe vien asorbie en maniera desferénte dal'aqua, faxendo desconparir en órdene łe radiasion più débołi: prima el roso, daspò el xało, daspò el verdo, daspò el vioła, e par fin el blu. Atexoché ła łuxe blu ła xé sia queła co magior penetrasion, sia queła dominante 'nte łe grande destexe de aqua, łóre łe xé dónca de cołor blu.

Łe parołe "blu" e "blò" łe xé sta te tólte dal corispondénte tèrmene franséxe bleu, na volta dopra cusì come el xé.