Difarense intrà łe version de "Giovanni Battista Belzoni"

 

Burckhardt ghe gaveva contà dea so scoperta del tenpio de Abu Sinbel nea [[Nubia]] a sud, dove che però nol gera stà bon entrare, e el ga decixo de provarghe eo. Spetando che rivase a barca che doveva portare el coeoso de Ramesse II, el xe partio verso sud e dopo ver afrontà un lungo viajo co el xe rivà el gaveva quasi finio i viveri, e eora el ga fato na perlustrasion e el xe tornà indrio. Tornando a Luxor el se ga fermà su l' [[ixola|ixoea]] de Philae nel Tenpio de Iside e el ga ciapà poseso de un importante obeisco par conto del consoeato britanico, sensa portarlo via. Co el xe rivà a [[Luxor]] el xe ndà scavare a [[Karnak]], dove che el ga trovà un pasto de roba, e dopo nea [[Vae dei Re]] sua riva oposta del Nieo, e qua el ga verto ea so prima tonba, quea del faraon [[Ay]], che ani dopo ea saria stà cataeogà col codice KV23, dove che el ga inciso ea scrita in inglese :"scoperta da Belxoni-1816". Finalmente ea barca co sora el busto enorme ea xe partia, e ea gera compagnà da na seconda barca co dentro tuti i reperti che gaveva trovà eo<ref name="ancient-egypt"/>. El xe rivà al [[el Cairo|Cairo]] el [[15 disenbre]] [[1816]]. L' imenso busto invese el ga continuà el so viajo fin Londra, dove ancora uncó el xe conservà al [[British Museum]]

=== Secondo viajo archeoeogico (20 febraio 1817 - 21 disenbre 1817) ===

El [[20 febraio]] el xe ripartio subito par Karnak e el ga trovà da novo un mucio de roba, tra cui el sarcofago de Ramesse III,che Salt ghe venderà al re [[Luigi XVIII]] de Francia e che deso el se trova al museo [[Louvre]] de Parigi, e na beisima statua in calcare dea regina [[Ahmose Meritamon]]. A chel punto el governatore locae, istigà da Droveti, ghe ga proibio de continuare i scavi. E eora el xe partio pa Abu Sinbel dove che dopo un fià el xe riusio verxere el tenpio. El fato xe stà ecesionae ma dentro nol ga trovà gninte de vaeore, cusì el ga perso un mucio de schei<ref name="ancient-egypt"/>. Co el xe tornà a Luxor el xe ndà scavare nea Vae dei Re, dove che el ga scoperto un mucio de tonbe, tra e quai ea favoeoxa tonba del faraon Seti I (KV17), una dee più bee de tuto l' Egito. Dentro ea gera tuta decorà co beisimi afreschi e basorilievi tanto da esere ciamà ea ''capea Sistina egisia''. Ea xe ncora conosua come ea ''Tonba Belxoni''. Più tardi el gavaria provà vendarghe el beisimo sarcofago de Seti I in aeabastro traslucido a Droveti e al [[British Museum]] ma tuti do i ga rifiutà dixendo che el gera masa caro. Aea fine eo gavaria conprà nel 1824, dopo ea morte de Belxoni, el coesionista privato John Soane che eo ga meso nea cripta dea so abitasion-muxeo a Londra, dove che el se trova ancora deso<ref name="ancient-egypt"/>. Prima de tornare el se ga meso fare ea mapatura dea tonba, l' inventario de queo che gera dentro e dei calchi in cera dei basorilievi che i ghe saria servii pa ricreare l' ambiente in dee mostre da fare in Europa<ref name="Giovanni Battista Belzoni (1778-1823)"/>. Ea tonba ea xe talmente inportante che ea xe sarà al publico. Nel corso dei ani ea xe stà tanto danegià, par esenpio i ghe ga portà via un mucio de basorilievi, e questo ga costreto el governo egisian a permetare l' entrata soeo in caxi ecesionai, come quando che vien dei capi de stato in vixita in Egito.