Difarense intrà łe version de "Parco Rejonal del Delta del Po Veneto"
Pagina creà co 'El '''Parco rejonal del Delta del Po del Veneto''' xe un'area proteta inte la Rejon Veneto. ==Teritorio== El parco se estende dal corso del Po de Goro fin a l'[[Ad...' |
(Nisuna difarensa)
|
Version de le 16:16, 5 xug 2011
El Parco rejonal del Delta del Po del Veneto xe un'area proteta inte la Rejon Veneto.
Teritorio
El parco se estende dal corso del Po de Goro fin a l'Adexe e el chiapa dentro el teritorio dei 9 comuni de Roxolina, Porto Viro, Loreo, Adria, Papoçe, Arian int'el Polexine, Corbola, Tajo de Po, Porto Tołe, tuti in provinça de Rovigo, co 'na popolaçion total, int'i confini del parco, de çirca 73.000 aneme.
Co'l Parco Rejonal del Delta del Po de l'Emilia-Romagna, el forma el Parco inter-rejonal del Delta del Po.
El xe stà istituìo con Leze Rejonal de l'8 settembre 1997, n.36.
El conprensorio del Delta xe stà creà dal progresivo depoxito de detriti lasài dal fiume Po; 'sto proçeso gh'a determinà, int'el longo periodo, el progresivo spostamento dela linea de costa del Mar Adriatico.
Flora e fauna
El Parco del Delta del Po detien la più gran estension de zone umide protete d’Italia. La flora xe estremamente varia, tanto da conprendar çirca un mijar de speçe difarente (questo graçie a la varietà de anbienti che'l Parco prexenta). La stesa roba se pol dir par quel che riguarda la fauna (oltre 400 speçe difarenti fra mamiferi, retili, anfibi e pesi).
La presença de oxèi xe cusì rilevante (più de 300 speçe, nidificante e svernante), da far de Delta del Po la pì inportante area ornitolojica italiana e una de le più conosùe d’Europa dai amanti del Birdwatching.
Fra i anfibi merita 'na çitaçión la prexença del raro pelobate fosco.
Struture de açèto
I più inportanti çentri de vixita del Parco del Delta del Po Veneto i xe:
- el Muxèo Rejonal de la Bonifica, a Ca' Vendramin fraçion del Tajo
- el Zardin Botanico Litoraneo del Veneto, inte ła località de Porto Caleri a Roxołina Mar;
- el Çentro Turistico Cultural de San Baxilio, fraçion de Ariàn;
- la Gołena de Ca' Pixani, fraçion de Porto Viro;
- l'Oaxi de Ca' Melo, fraçion de Porto Tołe.
Liganbi esterni
In Italiàn:
- Sito ufficiale (rimanda al sito dell'Ente Parco Veneto)
- Portale dedicato al Delta del Po
- Sito dedicato al Delta del Po
- Mappa del parco
Parchi nasionałi · Parchi rejonałi · Riserve statałi · Riserve rejonałi · Xone umide · Aree marine · Altre aree