A l'epoca de ła [[Republica de VenessiaVenesia|Serenìsima Republica]], el '''Cao de ano''', invesse che al [[1 de genaro|1° de genaro]] come previsto dal [[całendario giulian]] e dopo da queło [[całendario gregorian|gregorian]], el cascava el [[1 de marso|1° de marso]]. Sta tradission par che ła vegna da l'antico całendario che doparava i [[Romani]] prima de [[Gaio Giulio Cesare|Giulio Cesare]], che el faxéa scominsiar l'ano dal méxe de marso (e difati in sta maniera i mesi de setenbre, otobre, novenbre e diçenbre i vien a èsar efetivamente i méxi numaro sete, oto, nove e diexe come dixe el nome). Par no far confuxion, i Veneti de na òlta in parte a ła data i ghe scrivéa ''more veneto'', cioè leteralmente "a ła maniera Veneta". Donca, ła data, metemo, del "14 febraro 1703" a Venessia ła deventava "14 febraro 1702 ''more veneto''", parché el febraro l'era efetivamente l'ultimo méxe de l'ano vecio, e el 1703 el scominsiava soło in marso.
Ła festa del '''Bati Marso''' ła se svolgéa apunto in tei ultimi jorni de l'ano, e ła prevedéa de 'ndar in giro par łe strade batendo su cuerciołi, pegnate e altri strumenti muxicałi "fati in caxa" faxendo un gran bordeło, con l'intento de far scapar via l'inverno e el fredo e propiziarse l'arivo de ła beła stajon, par poder scuminsiar i laori 'gricołi.
