Par estension, al ciapa al nome de fruter anca tut al teren dedicà essenžialmente a la coltivažion de alberi da fruto.
I fruter infin a žento ani indrio no i esistia cossì come che i intendon adess. La gran part de le piante le gnea meteste do deslonch de le pjantade de [[Vitis vinifera|vit]], e le servia, dopo che par far fruta, anca par ralentar al vent al che podea farghe dan a le colture che ghe n'era te i [[let (agricoltura)|let]] e par parar le vit da la [[tenpesta]]. Gnea metest arent piante de diverse [[spece|specie]] in maniera da cener separade quele che le somejea, in modo da limitar le possibilità che le se passesse malatie le une co le altre. Te 'l stesso tenp gnea diferenžià anca le qualità inpjantade, in modo da facilitar la inpolinažion. La sielta de le nove qualità da inpjantar la gnea valutada su la base de le carateristiche climatiche de 'l posto, de le possibilità de vendita, de 'l teren a disposižion. Gnea vardà anca quale qualità che gnea polito ten quel posto. Par esenpio aonde che se vet che gnen polito i pon da la roseta, se pol inpjantar pon da 'l ruden, pon da 'l canada, pon delici, pon sanpagn, ferro rosso e pon da 'l fer, ma al è mejo evitar al delicio bianch, al pon Lupin e al pon Prussian.
Le pjante le gnea arlevade in modo che le gnesse alte e grande parchè cossì le fea pì pon e restea al posto par poder far al fjen.
