Difarense intrà łe version de "Tratato de Campoformio"

El '''Tratato de Campoformio''' el xe sta firmà el 17 otobre [[1797]] da [[Napoleon Bonaparte]], generałe a cao de l'exerçito francexe in Itałia e el conte Louis de Cobentzel, chel raprexentava i Asburgo d'[[Austria]]. El xe sta firmà a Villa Manin (Passarian de [[Codroipo]]), che l'era ła demora istiva de l'ùltimo [[Doxe|Doge]], [[Ludovico Manin|Lodovico Manin]], ma scrivendoghe come łogo "Campoformio" (che ancó el se ciama [[Canpoformio|Campoformido]]), un paexe picenin del [[Friul]] rente a [[Ùdine|Udine]], parché l'era a meza tapa tra villa Manin, ndo Napoleon el stasea in quei mexi, e [[Ùdine]], dove ghera el comando striaco.

Sto tratato el ga confermà i precedenti acordi de [[Leoben]] del 18 avril [[1797]], e in seguito a sto tratato sa desfà la prima coalizion antifrancese e xe finia la prima "canpagna d'Italia" de Napoleon. Una de le conseguenze de sto tratato xe sta la fine de la [[Republica de Venesia|Republica de Venezia]]: difati bona parte dei veci teritori veneti ([[Vèneto|Veneto]], [[Friul]], [[Istria]], [[Dalmàsia|Dalmazia]]) i ghe ndà a l'Austria, mentre Napoleon el sa tegnudo [[Bressa|Brescia]], [[Bergamo]] (che le xe sta unìe a la Republica Cisalpina) e le isole Ionie. In canbio l'Austria la ga dato ai francesi el [[Belgio]].