I '''maasai''' i xe un popolo de pastori che vive en tel sud del [[Kenya]] e en tel nord de la [[Tanzania]], doe i xe conosudi come i [[arusha]]. Ghe altri picoli grupi sparsi - i [[samburu]] a Maralal, i maasai del monte Elgon, e fameie maasai in [[Mozanbico]].
I maasai ie rivà en Kenya nel [[XVII secoło|XVII secolo]]. I iè vegnudi zò da la vale del Nilo. I xera agricoltori, ma i ie diventà pastori quandoco che i sa catà nele zone aride de la [[Rift Valley]]. Secondo la tradizion maasai, loro ie nati quando i gha scalà i dirupi della Rift Valley par arivar su i altopiani. I maasai i xe rivà ne le tere che i ocupa ancó nel [[1750]] circa. No ghe documenti scriti, parò se por capir sta data fasendo i conti de i grupi de iniziazion. Tuti i grupi de iniziazion i gha un nome, tuti i clam maasai i conosse i nomi dei grupi prima de lori. Se sa anca che un grupo dura venti-venticinque ani prima de scominziar un novo grupo. Fazendo i conti, savemo che i maasai ie rivà ne la zona de [[Kajiado]] e [[Narok]] nel 1750. I nomi de i fiumi e de le montagne de la zona maasai ne fa saver che prima de lori sta tera l'era ocupà da grupi [[bosìmani|boscimani]] che i xe scapà nel sud de la Tanzania. I maasai del Kenya xe trecento mila. I ama la so cultura e la so lingua e i è diventà uno dei popoli piasè conosudi de l'Africa.
