[[Imagine:TorcelloLagune.jpg|right|230 px|thumb|Torceło e laguna]]
'''Torceło''' ła xé un'ixoła situà 'nte ła zona setentrionałe de ła [[łaguna de Venesia|laguna de Venesia]] dełimità a sud-ovest dal canàl de [[Buran]], a nord e a est confina con łe formasioni pałudoxe de ła Roxa e de ła Centrega. L'è un łogo torìstego mùcio frequentà.
El sò nome con ogni probabiłedà deriva da ''Torricellium'', el nome de ła prinsipałe tore de guardia de Altin, o forse de un sò quartiere.
Ła xé stà na de łe prime ixołe de ła [[Łaguna de Venesia|Laguna de Venesia]] ad èsare abitae, tra el [[V secolo|V]] el [[VI secolo|VI secoło]], a cauxa de ła vicinansa con Altin. I exułi de ła çità Altin ghe trasferiron anca ła sede episcopałe 'ntel [[639]], sopravisua sin al [[1818]], qûando xé stà soprèsa e conxunta a queła de ła atigua çità de [[Venesia]].
L'ixoła xé stò asieme a [[Masorbo]] e [[Buran]] łe teste de ponte del comercio venesiàn verso el [[Mar Adriàtico|Mar Adriatico]], e xé stà cusì fiorente da aver mijaja de çitadini. Se parla de numeri chei osiłano fra i 20.000 e 50.000 rexedenti 'ntel XVI secoło.
Ma la sò vixinansa a ła çità de Venesia, l'aria malsana e łe continue pestiłense, durìsima queła del [[XIV secolo|XIV secoło]] e del [[XVI secolo|XVI secoło]], gà provocà un progresivo svuodamento del'ixoła. I edifici i xé andà en rovina o xé stà smantełai par fornir łaterisi e materiałi łapidei par ło sviłupo ediłisio de Venesia. Atualmente l'ixoła gà poche decine de àneme, anca se remane una dełe magiori atrazioni turistiche deła zità de Venezia, con una baxéłega, una Ciesa e un Museo de storia.
