Difarense intrà łe version de "A priori"
Pagina creà co 'Ła locusion latina '''a priori''', tradota literalmènte, ła gà el significato de ''da ciò che vien prima'', e te ła poi catare pà ła prima olta inte ...' |
(Nisuna difarensa)
|
Version de le 20:06, 14 feb 2013
Ła locusion latina a priori, tradota literalmènte, ła gà el significato de da ciò che vien prima, e te ła poi catare pà ła prima olta inte ła łéngua latina inte i comentadori de Aristotele.
El raxonamento a priori el taca da un dato stabiłio e riva, có el metodo dedutivo, ałe estreme concluxion. Eso, donca, xè indipendente dall'esperiensa, dal dato enpirico.
Un exenpio de a priori ło catemo inte ła Critica de ła raxon pura de Kant a propoxito de ło spasio e del tenpo. Spasio e tenpo, secondo Kant,
- i xè quadri mentałi a priori, "forme" pure che łe susiste prima de ogni esperiensa, entro cui conetemo i dati fenomenisi, "funsioni", modi de funsionamento de ła nostra mente,
- i xè trascendentałi, cioè i aquista senso e significato soło se riferìi all'esperiensa ma nò i apartien all'esperiensa,
- e quindi necesari, cioè anca se vołessi nò poodaria farne de manco inte ła conoscensa enpirica,
- e universałi, cioè apartien a tuti i omani dotài de raxon.
Sti cuà i gà na natura imediata, cioè nò i subise ła mediasion de łe categorie, e nò discorsiva in quanto nò consepemo ło spazio dai vari spasi, ma intuiemo i vari spasi cofà un unico spasio (dimostrasion metafìxica dell'apriorità de ło spasio e del tenpo).
Come inte'l caxo de spasio e tenpo, molto speso ste conoscense łe xè nesesarie pà ła conoscensa tramide i nostri sensi: sensa i conceti de spasio e tenpo nò podarissimo conossare ła realtà atorno. Ste conoscense łe xè i strumenti che i ne parmete de 'rivare ałe altre certese, che łe xè asunte tramide un prosedimento a posteriori.
Altri a priori kantiani i xè łe categorie inte ła anałitica trascendentałe e łe idee inte ła diałetica trascendentałe.
Inte ła fiłoxofia moderna có Konrad Lorenz, grasie ałe so riserche etołogiche, l'a-priori el xè divegnùo sinonimo de inato inte l'individuo, de categorie mentałi che a-posteriori i deriva fiłoxeneticamente dall'interasion evołutiva de ła specie có l'anbiente: «... calcossa che sta a i elementi de ła realtà extrasogetiva cofà ło xocoło d'un caval sta ała stepa o ła pina d'un pese al'aqua.» [1]. In sostansa el termine "a priori" sta a esprimare calcossa che avien có che scuminsia elprocesso conoscitivo (Kant) overo prima dell'esperiensa.
Varda anca
Note
- ↑ (K. Lorenz, L'altra facia de ło specio, Adelphi)