Difarense intrà łe version de "Léopold Senghor"

'''Léopold Sédar Senghor''' (Joal, Senegal, 9 otobre 1906 – Verson, Fransa, 20 disenbre 2001) el xera on poeta, scritore e omo politego senegalexe. Senghor el xe stà el primo presidente del [[Senegal]] (1960-1980). El xe stà anca el primo africano ameso a l’Acedemia de Fransa.

 

 

Léopold Sédar Senghor el xe nato a Joal el 9 otobre 1906. Joal el xe on vilagio a sud de [[Dakar]], la cavedal del Senegal. So pare el xera Basile Diogoye Senghor, on marcante catolego de l’etnia sérère. El nome de Leopoldo el ghe stà dà par onorar léopold Angrand, on marcante socio de so pare, e el nome tradisionale Sédar el vol dir "ono che no sarà mai umilià".

En tel 1939, Senghor el xe diventà on oficiale de l’esercito francexe en tel 59° corpo de fanteria coloniale. En tel 1940 el xe stà caturà da i todeschi e meso en tel lager de Poitiers. Dopo do ani e mezo de canpo, el xe stà libarà parché el gavea na salude poco forte. El xe ritornà a insegnar e el ga fato parte de la resistenza en tel Fronte Nasionale Universitario.

 

A la fin de la guera, el ga insegnà a la scola nasionale d’oltre mare, posto che el tegnarà fin al 1960, ano de l’indipendensa del Senegal. Co el xera en Senegal par studiar la poesia sérère el capo de i socialisti, Lamine Gueye, el ga domandà de candidarse come deputato. Senghor el xe stà eleto deputato par el Senegal-Mauritania. E tel 1946, Senghor el ga sposà Ginette Eboué, fiola del governator generale de l’Africa Equatoriale Francexe. El ga vù do fioi: Francis-Arphang (1947-) e Guy-Wali (1948-1984). A lo steso tenpo, el taca a scrivar e publicare poesie.

En tel 1948, el lasa la sesion francexe de l’union operaia e fonda el Bloco Democratico Senegalese co Mamadou Dia. Dopo la rielesion en tel 1951, el xe stà segretario de Stato a la Presidensa del Consilio soto el governo de Edgar Faure. En tel febraro 1956 el xe diventà el sindaco de Thies, en Senegal, e dal 1956 al 1959, ministro consiliere en tel governo de Michel Debré. En sto tenpo el xe stà anca menbro de la comision par scrivar la nova Costitusion francexe, del Gran Consilio de l’Africa Ocidentale Francexe, e de l’Asenblea Parlamentare del Consilio d’Europa.

En tel 1956 el ga divorzià da la so prima mojer e el ga sposà Colette Hubert che la ga dato on fiol: Philippe-Maguilen (1958-1981).

 

[[File:Flag of Mali 1959-1961.svg|thumb|120px|Bandiera de la Federasion del Mali]]

[[File:Flag of Senegal.svg|thumb|120px|Bandiera del Sénégal]]

Senghor el xe rimasto al poder par quatro mandati, fin al 1980. El so sucesor, Abdou Diouf, el ga verto el paexe a el multipartitismo.

 

Senghor el xe stà on leterato francexe de grande inportansa. El xera el vice presidente de l’Alto Consilio de la Francofonia, e menbro de l’Academia Francexe, masimo riconosimento par on leterato de lengoa francexe.

Senghor el xe ono de i pari de la ''negritudine'', capia come l’insieme de i valori umani del mondo nero, de le istitusioni e de le opere de i popoli neri.

 

Senghor el ga pasà i so ultimi ani a Verson, en Normandia do el xe morto el 20 dsisenbre 2001. I so funerali i xe sta fati a Dakar el 29 disenbre a la presensa de politeghi francexi. El presidente francexe e el primo ministro (Jaques Chirac e Lionel Jospin, rispetivamente) i no xe ndà al funerale, tirandose drio le critiche del mondo politego e leterario francexe.

 

 

{{Portale|Africa}}

[[Categoria:Biografie|Léopold Senghor]]

[[Categoria:Persone ligà a l'Africa|Léopold Senghor]]