Difarense intrà łe version de "Pearà"

'Nte 'l [[Połéxine]] i ła ciama '''panà'''.

 

Te ciapi el [[pan]] gratà e te lo meti in te na teja, mejo de tera, insieme a la [[miola]] e al [[formai|formajo]] [[grana]] (se te si in carta el parmigiano) e un cicinin de ła [[sal]], tanto ghè tanta roba sa salà. Te ghe sonti brodo e te tachi quasi da subito a misiar. Te fè bójar par do o tre ore a [[fógo|fogo]] baso, in maniera che ła pearà ła brontoła. Bisogna ricordarse de misiar parché cosita no ła se taca masa su el fondo. A dir ła verità un pochetin l'è mejo che ła se taca cosita vien un bruxin en fondo che te cati senpre almanco un volontario che el neta la teja.

 

Sempre de pi nei ristoranti a olte i serve ła pearà in scudełete insieme a altre robe come ła [[Salsa verde]], gran diversa da ła tradision de caxa (la pìcia de pi), el cren e łe [[mostarda|mostarde]], che na olta le jera de [[Vicensa]] e basta.

 

Piasè a [[Verona]], ma no i le disdegna mia a [[Trénto|Trento]], a [[Vicensa]] e 'nte 'l [[Połéxine]]. Na olta l'era el piato de la dominica su le taole de caxa, de primo te gavei anca el brodo (te lo faxei par coxar el leso), speso con le [[tajadelete]], i veci i ghe zontava drento un pochetin de [[vin]].

 

A tanti ła ghe piase che ła broa, i se ła tira fora da ła teja de tera che ła coxe ancora; i più mati i łe mete su un fornełeto su ła taola. Quando ła se gà in tel piato, ła se slarga un poco e se pò zontare na nina de pévaro e na paca de ojo estravergine. Se smisia tuto e l'è pronta da magnare.

 

* [[Pan gratà]], piasè l'è vecio mejo l'è. Serti i ło mete in forno par secarlo piasè.

* [[Miola]] de bo

* [[pévaro|péar]]

 

Se podarea far un discorso de paralelo con un popoło lontan, i [[cina|cinesi]]. Ghè un so piato, l'[[anara lacà]] che i ghe mete ore e ore a cóxarla, serti i dixe giorni. Ghè chi magna ła pel e basta e i buta 'ia el resto, magari i łe magna altri. El bruxin l'è come ła pel de l'ànara: ghè chi va mato par magnarlo e i ghe mete tempo a stacarlo da ła teja, sigando con la mojer che ła vorea lavarla.