Difarense intrà łe version de "Storia del Botswana"

La '''Storia del Botswana''' la parte da la presensa de popoli [[bosìmani|boscimani]] en te la region za en tel paleolitico. I eventi i ga acelerà en tenpi storici, co le migrasioni de i popoli del sud e la proclamasion del protetorato, che la porterà al Botswana moderno.

 

[[File:San tribesman.jpg|thumb|left|250px|Boscimane san]]

So le coline de Tsodilo, en tel nord ovest del paexe, i ricatamenti archeologici i xe stà datadi de 19 000 ani fa.Le popolasioni che le vivea qi le xera de caciatori-racoglitori, del grupo boscimane. I ricatamenti, che i spasia par tut sti ani, i xe xonsistenti co i grupi khoisan che se cata anca ancò en tel [[Botswana]].

I Khoikhoi che i ga canbià stile de vita par diventar pastoralisti – sirca en tel I secolo a.C. – i ga anca scominsià a ocupar le savne del sud del paexe. L’agricoltura la xe rivà co i primi [[bantu]]. Anca la tecnologia d i metali la xe rivà da de fora.

 

El grupo pi inportante del paexe e quel che ge da el nome, i tswana, i xe entrà en tel sud sercando i pascoli par le so mandrie. Co l’evento de la [[Storia del Sudafrica|difaqane]], i ndebele i ga spinto i twasa verso el nord. I tswana i ga sercà riparo en tel deserto del [[Kalahari]]. I ndebele i ga proseguì verso el nord par rivar en tel teritorio de lo [[Zinbàbue|Zinbabwe]]. Verso el 1830 i se sa sitemà longo i tereni pi fertili longo el fiume Limpopo. I tswana i se sa organisà torno a oto fameje pi inportanti, che le controla la vita politega del paexe anca ancò. La mancansa de unità la ga indebolio el grupo de fronte a i atachi da de fora.

 

Verso el 1845, i boeri del [[Sudàfrica|Sudafrica]] i ga scominsià a atacar i acanpamenti tswana rente de la frontiera co el Transvaal. En tel 1876, i capi Setshele de el clan Kwena e Khama del clan Ngwato, i ga domandà a i inglexi de la colonia del Capo de jutarli contro le incursioni boere. I do capi i parlava a nome de i so do clan, e no podea parlar a nome de tuti i tswana. I inglexi i xe stà veleci en tel rispondare e intervenir. A i inglexi no ge interesava el paexe, che nol xera fertile e no gavea materie prime. I inglexi i volea el control de el teritorio par inpedir che i boeri de le republiche auonome del Transvaal e de l’Orange le se metese en comuicasion co la Namibia, controlada da i todeschi. I inglexi i ga alora proclamà el protetorato e dato el nome de Bechuanaland.

 

En tel periodo de la colonia no ge stà altri tentativi de svilupo. I inglexi i controlava el paexe da i ufici en Mafikeng, en Sudafrica e i no gavea voja de svilupar el paexe.

 

La majoria de i tswana la ga acetà el cristianeximo. I fioi de i capi clan i ndava en Inghiltera par studiar. One de questi, Seretse Khama, el xe diventà famoxo en tel Regno Unio en tel 1948 parché el se sa sposà co na bianca, Ruth Williams. Khama el xera l’erede direto del capo de i Ngwato, el clan pi inportante de i tswana. El Sudafrica el ga dito sensa mezi termin che el no gavaria acetà on paexe direto da on nero sposà co na bianca. El Sudafrica el xera en tel pien svilupo de l’partheid. Anca i conservatori inglexi i ga protestà. Khama el xe rimasto en Inghiltera fin al 1956, co el ga rinuncià a diventar el prosimo capo de i Ngwato. Na olta tornà en Bechuanaland, Khama el ga fondà el Bechuanaland (pi tardi Botswana) Democratic Party (Partito Democratico del Bechuanaland) e domandà l’autogoverno. En tel 1961 i inglexi i ga conceso l’autogoverno. El 30 setenbre 1966 Khama el xe diventà el primo presidente de la republica del Botswana.

 

L’indipendensa politega la se sa subito scontrà co la realtà locale. El paexe el xe quasi tuto desertico e, tolte poche zone fertili, el nol pol sostegnar la popolasion. L’agricoltura la xe a mala pena suficente par rifornir le xone rurali, mentre l’alevamento de bestie el ga bisogno de no sbolo su i marcati esteri. El Botswana el sa catà a esar dipendente dal Sudafrica, do tanti andava par laorar en te le miniere.

 

A livel internasional el Botswana el ga laorà par formar on fronte unio contro el Sudafrica e la Rhodesia (ancò Zinbabwe). En tel 1974, co Zanbia e Tanzania, la ga forma el Front Line State, l’organizasion de i Stati che frontegiava el Sudafrica de l’apartheid. A lo steso tenpo, el Botswana el ga dovù star atento a no tirar masa la corda, visto che importasioni e esportasioni le continuava a pasar par el Sudafrica. El Botswana el ga anca dato vita a la Comunità de Svilupo de l’Africa Australe (SADC). La SADC la ga i so ufisi sentrali a [[Gaborone]] e la funsiona dal 1992.

 

[[File:Mogpow.jpg|thumb|250px|left|El presidente Mogae co Collin Powel]]

Seretse Khama el xe morto en tel lulio 1980. El vice presidente – Quett Masire – el xe diventà presidente. Masire el se sa ritirà en tel 1988, prima de la fine del so mandato par farge posto a Festus Mogae.