Difarense intrà łe version de "Piasa San Marco"

Co xe rivà a Venexia el corpo de San Marco ne l'[[828]], xe sta edificà la prima ''baxéłega de San Marco'' e l'area la ga scuminsià a assumar la so carateristica de cor monumentale de la sità.</br /> Nel [[976]] l'intiera xona, con la baxéłega e el palazo, la xe sta brusà da un furioso incendio, ma zà nel [[978]] xe sta costruìa na seconda baxéłega e ricostruìo el palazo. La baxéłega de desso la risale ai anni [[1050]]-[[1094]], con la terza fondazion de l'edificio.</br /> In sta epoca la piaza la risultava 'ncora limità dal rio Batario (al delà del quale ghe jera na cesa dedicà a [[San Geminian]]o) e dal bacino de Palazo: a testimonianza del quale ne restà 'ncora desso, sul lato de la baxéłega rivolto verso la piazeta, na vecia ''porta d'aqua'' murà, cioè l'entrada rivolta su l'aqua tipica dei edifici venexiani.

Nel [[1156]], soto [[Vitale II Michel|Vitale II Michiel]], i ga interà prima el rio Batario e po anca el bacino antistante el Palazo Dogal, dove i ga realizà la Piazeta.</br /> Nel [[1172]], soto el [[dogado]] de [[Sebastian Ziani|Sebastiano Ziani]], la piaza la xe sta slargà 'ncora de pi par farghe posto a novi edifici monumentali: la cesa de San Geminiano i la ga spostà al limitare de la nova piaza San Marco e i ga inoltre tirà su le do grande colone frontegianti el molo, come entrada monumental a l'area marciana.</br /> Nel [[1204]] la conquista de [[Istanbul|Costantinopoli]] con la [[Quarta Crociata]] la ga fornìo ai venexiani un mucio de marmi e opere d'arte con cui decorar la baxéłega e la piaza. In sta ocasion qua xe rivà i ''Cavai de San Marco'', sistemà a coronamento de la baxéłega, e la statua dei ''[[Tetrarchia|Tetrarchi]]'', che desso xe a l'entrada del palazo.</br />

Tra el [[1301]] e el [[1442]], co na continua e massicia serie de laori, Palazo Dogal el ga perso progresivamente el so aspetto militare fin a assumar la conformazion de desso.</br /> Tra el [[1495]] e el [[1517]] i ga inveze costruìo le ''Procuratie Vece'' e la ''Tore de l'Orologio'', mentre contenporaneamente se procedea al sgónbaro de tuti i broli e i magazini 'ncora presenti ne l'area de la piaza. Tra el [[1536]] e el [[1540]] el [[Sansovino]] el ga realizà l'edificio de la ''Libreria'' e la ''Logeta'' ai pié del canpanil. Tra el [[1582]] e el [[1640]] xe sta la olta de le ''Procuratie Nove''.

Nel [[1722]] i ga sistemà le do statue de la ''Piazetta dei Leonzini''. Del [[1723]] xe inveze la pavimentazion de desso in [[trachite|trachite euganea]] a fasce laterali in [[màrmaro|marmo bianco]].</br />Xe infine nel [[1807]] che la dominazion [[napoleon Bonaparte|napoleonica]] la ga procedùo a butar zo la cesa de San Geminiano e a costruir l' ''Ala Napoleonica'' (dita anca ''Palazo Reale'' o ''Procuratie Novissime''), dandoghe al conplesso de l'area marciana l'aspeto definitivo.