Difarense intrà łe version de "Washington Wizards"

I '''Washington Wizards''' i ze una de łe trenta scuadre che łe zoga inte ła [[NBA]], el canpionado de basket meregano. I ga un ocio de revardo pa’l fato che i ze ła scuadra de ła capitałe de i Stati Unìi; A ghe ze suito da dir che da ła so fondasion inte’l 1961 ła scuadra ła ga canbià un saco de nomi: '''Chicago Packers''', '''Zephyrs''', '''Capital Bullets''', '''Washington Bullets''', '''Wizards'''.

Fin a i ani Setanta i ga vùo alti e basi sensa mai sfondar, fin parò a’l 1978 co i ze stài in grado de vìnsar el canpionado batendo in finałe i Seattle Supersonics. El 1997 ła popołarità de i Wizards ła ze de inprovizo sciopada grasie a’l fato che Michael Jordan, che el se jera retirà pochi ani prima, el ga desizo de tornar a zogar proprio co łuri. Inte’l 2003 a ze rivà invese Gilbert Arenas che, par sete ani, el ze stà el nome sìnboło de i Wizards; fin a’l 2010 invese no i ga mìa vùo partegołari sucesi, e proprio par ‘sta razon (el marcà [[NBA]] el funsiona, par dirla in breve, che chi che’l va mal un ano, par cueło dopo el ga derito de cronpar i zogaduri prima de chełaltri) A ze rivà el playmaker John Wall, e dopo de łu Kirk Hinrich, Trevor Ariza, Emeka Okafor, Bradley Beal e nantri che, anca deso, i ze cuełi che i ze drìo inbastir su i sucesi de na scuadra che ła se pol métar rento tra łe pi bone de ła [[NBA]].