Difarense intrà łe version de "Los Angeles Clippers"

I '''Los Angeles Clippers''' i ze una de łe trenta scuadre de basket che łe zoga inte ła [[NBA]]; el so canpo de gara el ze el Staples Center a Los Angeles, che i devide co i [[Los Angeles Lakers]] e co ła scuadra femenina de łe Los Angeles Sparks.

Nasùi inte’l 1970 co’l nome de '''Buffalo Braves''', i primi ani i ze stài magri de rezultadi anca se A ghe jera in canpo zente come Bob Kauffman, Don May e Bob McAdoo. Inte’l 1978 i se ga spostà a San Diego canbiando el nome in '''San Diego Clippers''' e, inte’l 1984, i ze ndài a Los Angeles ciapando finalmente el so nome de deso: co Ron Harper in canpo e Larry Brown in panchina come ałenador, inte’l 1992 i ze riusìi finalmente a rivar a i playoff. Fin a’l 2000 no i ze pi stài boni de tornarghe e fin a’l 2007 i ga vùo alti e basi łigài a i vari Andre Miller, Shaun Livingston e Chris Kaman.

A se ga da evidensiar el fato che i Clippers i ze senpre stài visti come ła “segonda” scuadra de Los Angeles, parché i [[Los Angeles Lakers|Lakers]] i ze senpre stài pi forti de łori de tanto, ma co l’arivo de Blake Griffin inte’l 2009 ‘sto andamento pian pian el ze canbià, cònplise anca el łento zbasamento de cuałità de i [[Los Angeles Lakers|Lakers]] inte chiłi ani; a Griffin A ghe ze stà meso de fianco el playmaker Chris Paul e el sentro DeAndre Jordan che, insieme a nantri nomi boni, i ga formà un terseto mìa mal fin a ‘sto ano. I se ze parò drìo confarmar come na eterna inconpìa, parché anca se i ga potensiałe no i riese mai a far el salto finałe.