Difarense intrà łe version de "One Piece"

El mondo de ''One Piece'' el ze asè diverso da'l mondo reałe anca da'l ponto de vista jeogràfego e morfołózego. A ghe ze senpre on globo terestre ma ła dispozision de i continenti e de łe acue ła ze conpletamente reinventada da l'autor Oda. Anca ła cosmołozìa de'l mondo ła ze tuta diversa da coeła reałe de fati, inte'l Àlbaro de ła Conosensa de l'ìzoła de [[Ohara]], l'autor el ga dizenjà un mapamondo co un pianeta somejante a ła Tera e che'l ga sie łune che ghe orbita intorno, e onjuna de 'ste sie łune ła ga un só satèłite orbitante. El globo terestre de ''One Piece'' el se prezenta tuto recoverto de acua co un stramaro de ìzołe e arsipèłaghi sparpanjài so tuta ła suparfisie. L'ùnega tera emersa che ła se configura cofà un continente ła ze ła cusidita [[Jeografìa de One Piece#Ła Łinea Rosa|Łinea Rosa]] che ła traversa el globo inte'l senso łonzitudinałe cofà du meridiani diametralmente oposti. In corespondensa de ła łinea de l'ecuatore A se cata na fasa de mar anca dita da ła [[Jeografìa de One Piece#Ła Rota Major|Rota Major]]. 'Sta chive ła ze divizadividesta in du parti par via de ła prezensa de i du meridiani formài da ła Łinea Rosa: ła prima metà ła ze ciamà el [[Jeografìa de One Piece#El Paradizo|Paradizo]], tamentre ła segonda ła ze ciamà el [[Jeografìa de One Piece#El Mondo Novo|Mondo Novo]]. Se considaremo ła Łinea Rosa e ła Rota Major cofà de i ełeminti de confin e łora vien fora che'l resto de’l spasio de'l pianeta el ze costituìo da cuatro triàngułi sfèreghi che i coresponde a i Cuatro Mari: el [[Jeografìa de One Piece#Mar Orientałe|Mar Orientałe]] (''East Blu''), el [[Jeografìa de One Piece#Mar Osidentałe|Mar Osidentałe]] (''West Blu''), el [[Jeografìa de One Piece#Mar Meridionałe|Mar Meridionałe]] (''South Blu'') e'l [[Jeografìa de One Piece#Mar Setentrionałe|Mar Setentrionałe]] (''North Blu''). Łe ciurme de i pirati de i Cuatro Mari łe ze manco perigołoze e potenti de coełe de ła Rota Major. El protagonista [[Monkey D. Luffy|Monkey D. Luffy]] el provien da l’ìzoła ''Dawn'' inte’l Mar Orientałe. Chełaltri menbri de ła [[Parsonaji de One Piece#Ciurma de'l Capel de Paja|Ciurma de’l Capel de Paja]] i provien da ìzołe sparpanjàe intra tuti e cuatro i Mari a ecesion de'l mèdego de bordo [[One Piece#Ciurma de'l Capel de Paja|Chopper]], che'l ze nativo de l'ìzoła de [[Jeografìa de One Piece#El Paradizo|Drum]] inte ła prima metà de ła Rota Major.