Difarense intrà łe version de "Parsonaji de One Piece"
[Version verifegà] | [Version verifegà] |
Contenuto cancellato Contenuto aggiunto
pNessun oggetto della modifica |
zontà contenjudi |
||
Riga 6:
=== Ciurma de'l Capel de Paja ===
{{varda anca|Ciurma de'l Capel de Paja}}
===
I '''Pirati Jolly Roger''' (ジョリロジャー海賊団 ''Rojā Kaizoku-dan'') jera el nome de ła ciurma capitanada da Gol D. Roger, el Re de i Pirati, e donca ła ciurma pì forte che ghe ze stà pa' i mari parché ła ze stà l'ùnega bona de sircumnavegar tuta ła Łinea Granda par intiero e donca catar el tezoro ''One Piece''. Par de pì, co 'sta inpreza, i Pirati Jolly Roger i ze venjesti a conosensa de łe informasion strainportanti par cuanto che revarda i misteri de ła storia de'l mondo che ła ze tenjesta sconta da'l Goerno Mondiałe. L'autor [[Eiichirō Oda|Oda]], fin deso, no'l ga mai revełà i vałori de łe reconpense che łe pendéa so'l cao de i menbri de ła ciurma. Ła nave de 'sta ciurma ła jera ła [[Glosaro de One Piece#Oro Jackson|Oro Jackson]], costruìa a [[Jeografìa de One Piece#Water Seven|Water Seven]] co'l łenjo de'l [[Àlbaro Tezoro de Adamo]] cofà ła [[Thousand Sunny]] de i [[Ciurma de'l Capel de Paja|''Mugiwara'']].
==== Gol D. Roger ====
'''Gold D. Roger'''
==== Silvers Rayleigh ====
Silvers Rayleigh (シルバーズ・レイリー ''Shirubāzu Reirī''), soranominà el '''Re Scuro''', el ze stà el capitan vicario de ła ciurma de i Pirati Jolly Roger e fursi el mejo amigo de Gol D. Roger. Ło vedemo dizenjà da zòvane inte'l ''flashback'' indóe che A se vede Roger che'l mete su ła ciurma. Rayleigh, inte'l prezente de'l tenpo naradivo de'l manga, el ze un vecio de 76 ani che'l vive inte'l arsipełago Sabaody inte ła Łinea Granda. In chel contesto el vive sote falsa identità, parché el ze ancura resercà da ła Marina, fazendo el mistier de revestidor de navi. E de fati el sarà purpio łu a revestir la [[Thousand Sunny]] de i ''Mugiwara'' vanti che i partise pa' l'ìzoła sotomarina de i [[Jeografìa de One Piece#Ìzoła de i Òmeni Pese|Òmeni Pese]]. El só contributo, pa'l prosedar de l'aventura de i Capel de Paja, el ze strafondamentałe parché łi jutarà a no èsar copài da Kizaru, el Capitan da Mar de ła Marina, e 'l sarà njente manco che l'istrutor e méntore de Luffy durando i [[One Piece#El salto de du ani|du ani de arlenamento]]. Ze purpio grasie a i insenjaminti de'l Re Scuro che Luffy el inpararà el dòparo de l'[[Glosaro de One Piece#Anbision|Anbision]]. Da'l ponto de vista de'l aspeto el ze un omo alto e muscołozo, co ła barba e co łonghi cavéi cołor de l'arzento, un parsonajo che'l emana a'l isteso tenpo un carizma grando ma anca na sensasion de calma e saviesa. Via de tut pararìa che łe só pasion pì grande łe fuse el zogo de azardo, łe bełe fémane e béar alcol. Ła reconpensa sora el só cao ła ze a'l momento mìa conosùa.
==== Altri menbri de i Pirati Jolly Roger ====
Oltra che Roger e Rayleigh A conosemo anca altri menbri de i Pirati Jolly Roger e, tra de 'sti chive, ghe ne ze calcun de inportansa granda inte'l zviłupo naradivo de ''One Piece'', tamentre ghe ne ze altri che de coełi conosemo solche el nome:
* Crocus (クロッカス ''Kurokkasu'') el ze stà el mèdego de bordo de ła ciurma de i Pirati Jolly Roger inte i cuatro ani che i ghe ga metesto pa' parcorar tuta ła Łinea Granda. El ze stà recrutà inte ła [[Jeografìa de One Piece#Ponta de i Zemełi|Ponta de i Zemełi]], pensa zo de ła [[Jeografìa de One Piece#Reverse Mountain|Reverse Mountain]], parché Roger el gavéa capìo de ver un bruto mal incuràbiłe e donda Crocus el ze stà bon de farghe fenir ła mision. Ło catemo a far el vardian de ła Ponta de i Zemełi cuande che i ''Mugiwara'' i vien rento inte ła Łinea Granda. El vive łive in conpanjìa de ła bałena zigantesca de nome Lovoon che ła ghe ze stà łasada da i pirati [[Rumbar]] che de coełi fazéa parte [[Ciurma de'l Capel de Paja#Brook|Brook]], de fati anca el sonador de i Capel de Paja el conose ben 'sto parsonajo che deso el ze asè vecio. El só nome el deriva da łe piante de'l zènare ''Crocus'';
* Shanks e Buggy: a i tinpi de łe aventure co Roger i jera du boce recrutài cofà novisi inte ła nave Oro Jackson.
=== Parsonaji de i Cuatro Inperadori ===
|