Difarense intrà łe version de "Gol D. Roger"

Contenuto cancellato Contenuto aggiunto
creà ła voze
Targheta: Editor de còdaxe 2017
(Nisuna difarensa)

Version de le 17:42, 20 dis 2017


Voxe prinsipałi: One Piece, Parsonaji de One Piece.

Gold D. Roger (ゴール・D・ロジャー Gōru Dī Rojā), conosesto anca co'l soranome de Re de i Pirati, el ze stà el capitan de i Pirati Jolly Roger e donca el posesor de'l mìtego tezoro One Piece. Roger el ze un parsonajo che conpare sùito a'l scumisio de l'òpara in forma de flashback, ma co'l continuar de ła narasion łe só conparsàe łe sarà senpre asè ràdeghe e sparpanjàe e donca de łu, daspò de vinti ani de pubregasion de'l manga, A se sa ancura tanto poco. Savemo par serto che Roger el jera nasesto a Rogue Town inte'l Mar Orientałe e ancura da bocia el ga scumisià a metar su na ciurma co l'obietivo de "rebaltar el mondo". Inte łe puche siene che se ło cata da zòvane A se pol védar che'l gheva dezà indoso el famozo capel de paja che daspò el sarìa pasà a Shanks e, daspó ancura, a Luffy. Fizegamente el gheva calcosa de somejante co Luffy siben che'l fuse stà pì alto e muscołozo. Daspò de un parìodo łongo de aventure e de gaveta pa' i mari savemo che Roger e la só ciurma i ze pasài pa' ła Ponta de i Zemełi indóe che i ga recrutà Crocus co'l roło de mèdego de bordo. 'Sta sielta ła ze stà dovùa parché el capitan el se gheva inacorto de ver un bruto mał: maldestin Crocus el ga podesto soło calmar i dołori de 'sta małatia, justo el tenpo che pasase cuatro ani e che finalmente i rivase a conpletar tuta ła Łinea Granda catando el One Piece. Soło daspò che 'sta inpreza ła ze deventà pùbrega e łora Roger el ze stà ofisialmente ciamà da tuti el "Re de i Pirati". Rivà a 'sto ponto el ga siolto ła ciurma, łasando che onjun de i só òmeni el seitase ła só strada, e daspò de n'altro ano el ga desidesto de consenjarse spontaneamente a ła Marina. Ła Marina parò ła ga senpre pubregamente declarà che ła jera stà eła a caturarlo. Poco tenpo vanti de èsar justisià Roger, tamentre che'l jera recruzo in seła, el ga confesà al só aromai ex aversario Monkey D. Garp (el nono de Luffy) che A ghe jera nasesto un fioło che'l se ciaméa Portuguese D. Ace e che ła mare Porteguese D. Rouge ła jera morta. Donca Garp el ga asetà de far crésar łu Ace tenjendo sconto 'sto segreto a'l Goerno, e purpio par 'sto motivo Ace el ze stà conpanjo de infansia de Luffy e Sabo. L'ezecusion de ła condana a morte ła ze stà mesa su purpio a Rogue Town, ła sità de nasita de Roger, scuazi a vołer sinbołegamente métar ła fine a un siclo. El dì che i ga justisìa Roger jera prezenti scuazi tuti i pirati che daspò i sarìa deventài inportanti, par ezenpio tanti che i sarìa nài rento i Sete Corsari opur el steso Shanks, che'l jera stà novisio de i Jolly Roger e che de sèito el sarìa deventà inperador inte'l Mondo Novo. Tra tuti manchéa parò Silvers Rayleigh, a dir el mejo amigo de Roger che, contando 'sta storia a i Mugiwara, el ga confesà che "no'l ga mai piandesto, ridesto e bevesto cusì tanto" cofà chel dì. Calche secondo vanti de èsar copà Roger el ze stà bon de pronunsiar ła fraze ciave de tuta l'òpara, a dir: "El me tezoro...? Se ło vułì, el ze vostro... A gavì da sercarlo! Mi A go łasà tuto inte un serto posto!". 'Ste puche parołe łe ga scaenà un putiferio in tuto el mondo e cusì ła Marina ła se ga catà che, invese de ver serà par senpre un siclo, A ghe ne ze stà verto n'altro, a dir "l'Era de ła Piratarìa". Daspò de la só morte 'sta informasion ła ze stà pubregamente confarmada anca da'l pirata Barbabianca. El parsonajo de Roger el ze donca ła prinsipałe fonte de ispirasion de Monkey D. Luffy.

Varda anca

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gol_D._Roger&oldid=582066"