Difarense intrà łe version de "Monkey D. Luffy"

A'l momento no se ze mìa seguri che'l Goerno el sipia a conosensa de'l fato che Luffy el ze fradełastro anca de [[Parsonaji de One Piece#Parsonaji de l'Armada Revołusionaria|Sabo]], a dir el segondo in comando de l'Armada Revołusionaria. Siben che i trascorsi de Luffy i sipia cusì inportanti e aventurozi A ze da dir che łu el ga senpre conservà el só caràtare inzenuo, istintivo e par serti versi infantiłe. 'Sta chive ła ze na caratarìstega fondamentałe de'l só parsonajo parché, a'l aparensa, sia chełaltri parsonaji de'l manga che i łetori istesi i ga l'inpression che Luffy el sipia a tuti i efeti un baucheto bon solche de manjar, ciapar a bote i nemighi e far el senpioldo co i só conpanji de ciurma. Via de tut A se pol dir che'l caràtare de'l protagonista el pol variar a segonda de ła situasion, de fati l'autor [[Eiichirō Oda|Oda]], cuande che ghe ze momenti de màsema tension e parìgoło, el fa venjar fora da Luffy un atejamento profondo e par serti versi mauro e responsàbiłe: el tìpego atejamento che tuti i se spetarìa da'l futuro Re de i Pirati. E de fati Luffy, purpio in virtù de 'sto só łato sconto, el ze bon de stravolzar ła situasion a só favor cuande che'l se cata in momenti bruti.

 

Cuande che ła narasion de ''One Piece'' ła scumisia Luffy el ga solche 17 ani e ’l deside de ciapar el mar da soło salpando da’l viłajo de ''Foosha'', inte l’ìzoła [[Jeografìa de One Piece#Dawn|Dawn]] de’l Mar Orientałe, par deventar el Re de i Pirati. Siben che no’l gapia njancura na ciurma, łu el ze dotà de i poteri spesiałi de'l [[Glosaro de One Piece#Fruti de'l Diàoło|Fruto de'l Diàoło]] de'l tipo ''Gom Gom'' ma, soratuto, de na gran forsa de vołontà.

{{...}}