Difarense intrà łe version de "Infarto miocàrdego acuto"

[[File:Heart inferior wall dysfunction.jpg|320px|miniatura|destra|Sto desegno de un tajo trasversale al'asse apico-basale del core evidensia cossa che se vedaria in caso de infarto de la parede posterior del ventrìcolo de sanca, causà dal'oclusion del'alteria coronaria destra. In te i primi zorni la zona colpia la se recognosse pa'l color pàlido dovuo a la mancansa de sàngue in te'l teritorio ischemizà.]]

[[File:Myocardial infarct emmolition phase histopathology.jpg|320px|miniatura|destra|Imàzene istològica al microscopio òtico de quelo che se vede al'autopsia de un miocardio infartuà, colorà co ematossilina-eosina. I cardiomiociti morti i se recognosse parché i no ga el nùcleo. Se nota la presensa de sèlule de la resposta infiamatoria al dano: col passare dei zorni le magna via el toco de miocardio morto che'l vien poi sostituio da un processo reparativo che'l forma na [[secatrisse]].]]

[[File:AMI pain front.png|320px|miniatura|destra|La destribussion del dolor toràcico che, de sòlito, se conpagna al'infarto miocàrdico acuto, juta molto a fondare un sospeto de sta malatia]]

L''''infarto miocàrdico acuto''' (IMA, AMI o MI par sigla), anca ciamà '''ataco de core''', xe na malatia cardìaca caraterizada da la pèrdita de un toco de [[miocardio]] par nècrosi ischèmica. Sta definission la signìfega che ghe xe parte dei [[cardiomiocita|cardiomiociti]] che i more parché el sangue che ghe riva no'l xe bastante par sodisfare le so necessità vidali: al'[[ischemia]], parola generale che la ìndega tute le situassion de insufissente perfusion emàtica, ghe sèvita l'[[infarto]] (o, aponto, nècrosi ischèmica) quando che l'interussion totale a un grupo de sèlule miocàrdiche la dura almanco 15-30 menudi.