Difarense intrà łe version de "Ciurma del Capeło de Paja"

Ła '''Ciurma de'l Capel de Paja''' (麦わらの一味 ''Mugiwara no ichimi'') ła ze ła ciurma protagonista de'l manga japoneze ''[[One Piece]]'' dizenjà da [[Eiichirō Oda]]. Sia so’l fumeto che so’l [[anime]] ‘sti pirati i vien ciamài asè de frente “I Capel de Paja” (''Mugiwara'' in orizenałe japoneze). In cao de ła ciurma A ghe ze el parsonajo de [[Monkey D. Luffy]]. A'l momento (vołume n°82) A ghe ze 9 menbri incorporài, siben che za da i primi capìtułi Luffy el gheva dito che ła só ciurma ła sarìa stà da 10 parsone. Onjun de łuri el ga na partigołare braura inte un spesìfego canpo, donca i ze tuti de utiłidà par seitar coel che’l ze l’obietivo finałe, a dir catar fora el ''One Piece''. De fati nisun de ła ciurma conose el segreto de 'sto tezoro parò onjun el ga un sonjo presizo che'l raprezenta el scopo de ła só vita e, par reałizarło, A ze nesesario parcórar tuta ła [[Jeografìa de One Piece#Łinea Granda|Łinea Granda]]. I ''Mugiwara'' i ze una de łe ciurme pì forti tra coełe che łe nàvega inte ła Łinea Granda e de fati Luffy e Zoro i ze stài mesi rento el grupo de pirati de ła nova jenerasion conosesto co’l nome de łe [[One Piece#.C5.81e .C3.99ndeze Suparnove|Ùndeze Suparnove]]. Tuti i ''Mugiwara'' i ga na [[Glosaro de One Piece#Reconpense|reconpensa]] so'l cao, mesa suzo da'l [[One Piece#Goerno Mondia.C5.82e|Goerno Mondiałe]], e a'l momento ła soma de tute łe reconpense de ła ciurma ła ze rivà a ła nodévołe sifra de 1,570,000,100 [[Glosaro de One Piece#Berry|Berry]]. Ła Ciurma de'l Capel de Paja ła ga vuo in òrdene de tenpo du navi: ła prima ła jera ła [[Glosaro de One Piece#Going Merry|Going Merry]], che łi ga conpanjài da'l [[Jeografìa de One Piece#Mar Orienta.C5.82e|Mar Orientałe]] fin a ła saga de [[Jeografìa de One Piece#Enies Lobby|Enies Lobby]] inte'l [[Jeografìa de One Piece#Paradizo|Paradizo]], ła segonda ła ze ła [[Thousand Sunny|Thousand Sunny]], a dir l'atuałe nave de la ciurma, projetada da Franky e costruìa in cołaborasion co i pì brai carpentieri de [[Jeografìa de One Piece#Water Seven|Water Seven]]. In órdene cronołòzego de recrutamento inte ła ciurma 'sta chive ła ze ła łista de i ''Mugiwara'': Monkey D. Luffy (el capitan), Roronòa Zoro (el spadacin), Nami (ła navigadora), Uzop (el tirador), Sanji (el cogo), TonyTony Chopper (el mèdego), Nico Robin (l'archeòłoga), Franky (el carpentier), Brook (el sonador e anca spadacin), Jinbe (timonier). De ła ciurma atuałe solche 4 menbri i ze dotài de i poteri derivài da i [[Glosaro de One Piece#Fruti de.27l Di.C3.A0o.C5.82o|Fruti de'l Diàoło]], a dir: Luffy, Chopper, Nico Robin e Brook. Daspò che i ze rivài inte'l [[Jeografìa de One Piece#Mondo Novo|Mondo Novo]] savemo anca che in cuatro de łuri i ze boni de doparar l'[[Glosaro de One Piece#Anbision|Anbision]]: Luffy, Zoro, Sanji e Uzop.