Difarense intrà łe version de "Discusion Juto:Convension de scritura"

Nisun ojeto de cànbio
#Si che ƚa xe unitaria. El alfabeto el xe uno par tuti, e ognuno el scrive co ƚe letare che'l ga inte ƚa so variansa. Xe fadiga far na grafìa co carateri che posa èsar leti in modo difarente in baxe a ƚa proveniensa del parlante, come che gheva proà far el Brunelli o come che proa fare Mauro Trevixan (se no me ricordo mal). Parché xe vero che de soƚito ndove che ghe xe /z/ ghe xe /dz/ o /ð/, e 'ndove che ghe xe /s/ ghe xe /ts/ o /θ/, ma ghe xe de ƚe ecesion. Par exenpio i venesiani i dixe /paze/ e mi digo /pase/. Opure, deso se dixe /voze/ ma na volta inte'l vixentin se dixea /vose/...</br>
:PS: Vedo che te scrivi co ƚe zx e zs del vècio sistema de Brunelli (sistema che ani fa el jera sta adotà da sta wiki, defati mi al inisio ghevo pì o meno inparà chel modo)... Beh, te avixo che el steso Brunelli no'l dòpara pì chela grafìa, basta darghe un ocio a ƚa version pì axornà del so manuaƚe. Dito cuesto, se te vardi ben mi no dòparo sto sistema de scritura (par exenpio el DECA/GVIM el ga z-s-ts-dh-th-dz, mi che dòparo ƚa GVU ridota in stiƚe wikisionario go x-s-ç-đ-ẑ-z), e ghe so masa afesionà pa' canbiarlo. Però no'l me disturbaria mia vedarlo so ƚa sidebar (par exenpio), anca parché el xe un sistema fonetego e inte un futuro se se canbia ncora se riusirìa canbiar tuto anca co un bot.--[[Utente:GatoSelvadego|GatoSelvadego]] ([[Discussion utente:GatoSelvadego|msj]]) 15:32, 13 set 2018 (CEST)
 
 
::Bondì a tuti.
::A parte che, {{Ping|DavideAnastasio}}, crear na utensa a posta par sparar contro l'Academia de ła Bona Creansa portando argomenti che i fa acua in maniera ciara el ze romài ridìcoło da védar (farse ła guera par 'ste robe el ze fora contesto, cuà!), rengrasio {{Ping|GatoSelvadego}} pa'l sondajo.
 
::A vedo da i cominti che el problema/paura el ze cuel de łimitar ła łibartà de scritura parsonałe, ma ła domanda ła ze ciara: '''ver un standard pa' i mesaji de sistema e pa' ƚe pàgine de ajuto''. A no ze mìa scrito "Gavemo da tacar scrìvar come che ga dito ła Rejon", sindo na ensiclopedìa łìbara A no ze posìbiłe na inpozision cusì; ma recordémose che ła ze sì łìbara, ma che ła ze na ensiclopedìa: a dir che ła pol venjer doparada par studi, par fonte de dati, par ła łengua. Gavé justamente parlà de Braziłe, Mèsico, nord sud Veneto evc: pensé a'l poro braziłian, ma anca a un ingleze o un napołetan, che'l vopie inparar a scrìvar in veneto e che'l vien cuà rento! El taca védar, inte ła homepage (e nò tanto in volta eh, homepage), "ençiclopedia" e "prinsipałe", "pajina" e "pagine", "discussion" e "discusion"... che idèa se fało? De un grupo de mati, de na scarpa e un sòcoło, e justamente el ciapa paura! Cuà apunto A se trata de capir se continuar a ndar vanti co na scarpa e un sòcoło, o se métarse sù i scarponi: A ze ciaro che l'Academia ła propone i só scarponi, i ze cuełi che atualmente so'l marcà i ze i mejo...
 
::Se dopo ła zente la vol scrìvar come prima parché ła ze abituada, par afeto, par pigrisia o par comodità, ła pol ben farlo anca se, A ve recordo, onji ''sandbox'' dove far potaceti ła ze parte de un dezerto ben pì grando.
 
::Donca ła domanda vera ła ze: '''vołemo darghe na imàjine, na covertina, pì seria e łineare a Wikivec, o vołemo continuar a dopararla pa zogatołar e farse i dispeti canbiàndose łe parołete?''' Montemo so na màchina, o restemo so na carioła co ła roda zbuzada? Penseghe, se vołé... [[Utente:Piovedrum 941980|Piovedrum 941980]] ([[Discussion utente:Piovedrum 941980|msj]]) 11:43, 14 set 2018 (CEST)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Speçałe:DiffMobile/593909"