Difarense intrà łe version de "Discusion Juto:Convension de scritura"

Targheta: Editor de còdaxe 2017
#Si che ƚa xe unitaria. El alfabeto el xe uno par tuti, e ognuno el scrive co ƚe letare che'l ga inte ƚa so variansa. Xe fadiga far na grafìa co carateri che posa èsar leti in modo difarente in baxe a ƚa proveniensa del parlante, come che gheva proà far el Brunelli o come che proa fare Mauro Trevixan (se no me ricordo mal). Parché xe vero che de soƚito ndove che ghe xe /z/ ghe xe /dz/ o /ð/, e 'ndove che ghe xe /s/ ghe xe /ts/ o /θ/, ma ghe xe de ƚe ecesion. Par exenpio i venesiani i dixe /paze/ e mi digo /pase/. Opure, deso se dixe /voze/ ma na volta inte'l vixentin se dixea /vose/...</br>
:PS: Vedo che te scrivi co ƚe zx e zs del vècio sistema de Brunelli (sistema che ani fa el jera sta adotà da sta wiki, defati mi al inisio ghevo pì o meno inparà chel modo)... Beh, te avixo che el steso Brunelli no'l dòpara pì chela grafìa, basta darghe un ocio a ƚa version pì axornà del so manuaƚe. Dito cuesto, se te vardi ben mi no dòparo sto sistema de scritura (par exenpio el DECA/GVIM el ga z-s-ts-dh-th-dz, mi che dòparo ƚa GVU ridota in stiƚe wikisionario go x-s-ç-đ-ẑ-z), e ghe so masa afesionà pa' canbiarlo. Però no'l me disturbaria mia vedarlo so ƚa sidebar (par exenpio), anca parché el xe un sistema fonetego e inte un futuro se se canbia ncora se riusirìa canbiar tuto anca co un bot.--[[Utente:GatoSelvadego|GatoSelvadego]] ([[Discussion utente:GatoSelvadego|msj]]) 15:32, 13 set 2018 (CEST)
 
 
::Bondì a tuti.
 
::Donca ła domanda vera ła ze: '''vołemo darghe na imàjine, na covertina, pì seria e łineare a Wikivec, o vołemo continuar a dopararla pa zogatołar e farse i dispeti canbiàndose łe parołete?''' Montemo so na màchina, o restemo so na carioła co ła roda zbuzada? Penseghe, se vołé... [[Utente:Piovedrum 941980|Piovedrum 941980]] ([[Discussion utente:Piovedrum 941980|msj]]) 11:43, 14 set 2018 (CEST)
 
:::Anca mì saria par partire co no standard novo e riconossuo da tuti qua dentro ... no standard che gavarò da inparare anca mì eh, no me tiro mia fora. L'ideaƚe saria vere na grafia unitaria tipo queƚa proposta da ƚa comision regionaƚe, ƚa pì nova atualmente disponibiƚe. Faxemo in modo che tuti i posa studiare sto novo modo de scrivare in veneto e adatarse al fenomeno. No standard unico de sicuro el portaria vantaji a tuti i fruitori de ƚa nostra Wikipedia. --- <b>[[Utente:Vajotwo|Vajotwo]] ([[Discussion utente:Vajotwo|posta]])</b> 12:35, 14 set 2018 (CEST)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Speçałe:DiffMobile/593910"