|
El signifegà del termine muxega no l'è de conseguensa uno soƚo e l'è anca n'tel dì de oncò ocaxion de barufe intrà i studioxi par via dei diferenti signifegai che vegnea dati a ƚa paroƚa n'tei vari periodi storeghi. L'etimoloxia del termine ''muxega o muxika'' deriva da l'ajetivo greco μουσικός/''musikòs'', rifarendose a ƚe Muxe, figure de ƚa [[Mitołogìa|mitołoxìa]] greca e romana, rifarendose a so volta in manjiera sotointexa a ''tecnega'' che anca sto cua deriva dal greco τέχνη/''techne.'' Dito sto ché, podemo dire che el termine no'l vegnea doparà par dirghe a na determinada arte, sì bèn ƚa vegnéa doparada par tute ƚe arti de ƚe Muxe, e ƚa se riferia a calcosa de "perfeto".
La '''Mùxega''' o '''muŝika''' (in belumat) l'e una de le pi importanti forme de arte ke ghe sia.
Se pol verdar da muŝika da tante angolažion:
* ''La muŝika come espreŝion de l'ànema'': sarìe la definižon pi veŝina al conceto de arte, in quanto la muŝika la gnen fora da 'n elaboražion de 'n sentimento, ko i strumenti espresivi che avòn a nostra disposižion. La [[rajòn]] e 'l [[kor]] i se miŝia par tirar fǒra 'n prodoto ke sie bel e ke 'l sepie krear emožiòn.
* ''La muŝika come proježion del pensiero'': co sta definižion se intende dar valor al signifikato [[antropologia|antropologico]] de la question, cuindi la muŝika la diventa an modo par comunicar, par tirar fora konceti ke sarie difižile dir sol ke ko le parole.
* ''La muŝika come espreŝion de gl'on 'ntel mondo'': sto kuà l'e 'n conceto ankora diverso da quel de sora, se intende dir che la muŝika l'e na proježion de kuel ke ne sucede atorno. Mode, parole, usanže, kustumi e manjere le se trasferis te la lengua de la muŝika eko ke cuindi la musica la ciapa 'n significato [[sociołogia|sociologico]].
* ''La muŝika come storia de gl'on'': sarie l'[[etnomusicologia]] cioè la sienža che studia le radis de la muŝika, da dove che la parte e ke strada ke l'a fat. Studiando ste robe se kapis mejo anka la storia de gl'on e in particolar modo se ghe riva a 'ndar in fondo a le cuestion pi specifike in ''ambito teritoriale''.
* ''La muŝika ciapada come fenomeno fisico e sientifico'': sarie lo studio de la [[fìxica|fixica]] [[acustica]] che varda la muŝika sol ke come tante vibražion ordinade.
== Parametri sonori ==
| 