[[File:Male.svg|miniatura|Sìnbolo maschile, doparà anca par referirse al pianeta [[Marte (astronomia)|Marte]]]]
El '''màscolo''' xe un dei do [[sesso|sessi]] in te i quali se poe catare i organismi viventi a reprodussion sessuata, st'altro xe la [[fémena]]. La definission [[biologiabiołoxia|biològica]] de sto sesso xe ligada a la formassion del [[sperma]], che, grassie a un [[raporto sessuale]], parmete ai [[spermatozoi]] de razónzare i [[òvulo|òvuli]] par la [[fecondassion]]. El màscolo el ga n'[[aparato genitale maschile|aparato genitale]] struturà aposta par la funsion reprodutiva e molte de le difarense [[anatomia|anatòmeghe]] co la fémena le se cata a sto livelo. L'orìzene xe da tribuire a do fatori che i funsiona in serie: la presensa, in te i [[mamìfari]] màscoli, de un pìcolo [[cromosoma Y]] in fianco al X e la produssion, grassie a sto qua, de più ormoni [[andrògeni]]. Sti canbiamenti, dal'organismo base che'l xe, par anatomia e [[fisiologia]], più vissin a la fémena che al màscolo, i càpita soratuto in do momenti, che i xe quelo del'organogènesi in te'l [[enbrion]] e a la [[pubertà]].
El sìnbolo convensionale col quale se ìndegna el sesso maschile xe ♂, che'l se referisse al scudo e a la lansa del dio [[Marte (divinità)|Marte]].