Difarense intrà łe version de "Eiichirō Oda"

{{Variansa||DECAdeca}}

Cuande che’l jera bocia el ze stà ispirà da’l manga [[Dragonball]] (dizenjà da’l mistro Akira Toriyama), da’l manga [[Hokuto no Ken]] (in itałian conosesto co’l nome ''Ken il Guerriero''), mentre ła pasion pa’ i pirati ła ghe ze nasesta vardando ła serie animada tełeviziva de [[Vichi el vikingo]] <ref name="10 cose curiose su Eiichiro Oda che probabilmente non conoscevi"> 10 cose curiose su Eiichiro Oda che probabilmente non conoscevi.[http://www.sommobuta.com/2014/07/10-cose-curiose-su-eiichiro-oda-lautore.html 10 cose curiose su Eiichiro Oda che probabilmente non conoscevi]</ref>.

A partir da’l 1997 Oda el scumisia a pubregar el manga [[One Piece]], na òpara ancura deso in via de pubregasion e che da vinti ani a ‘sta parte ła ze deventà l’obietivo de ła só vita. De fati i capìtułi de ''One Piece'' i vien pubregài in Japon onji setimana costantemente da vinti ani e donca, par starghe drio a ‘sti ritmi de pubregasion, a Oda ghe toca łaorar scuazi 20 ore al dì, sete dì su sete, in baze a cuanto che’l ga declarà su varie intarviste a i jornałi japonezi <ref name="10 cose curiose su Eiichiro Oda che probabilmente non conoscevi"> 10 cose curiose su Eiichiro Oda che probabilmente non conoscevi.[http://www.sommobuta.com/2014/07/10-cose-curiose-su-eiichiro-oda-lautore.html]</ref>. Par de pì, anca se’l ga a despozision na scuadra de asistenti, el groso de’l łaoro de inpostasion e dizenjio de łe vinjete ło fa łu in parsona parché el vol aver el controło totałe de ła só òpara.

So ła parsona de Oda A se sa tanto poco parché el ze un omo asè schivo e reservà, donca asè ràdeghe łe ze łe só intarviste e łe aparision pùbreghe spesialmente in tełevizion. A onji modo, so ła baze de calche intarvista che i ghe ga fato a łu, o a i só editori, A ze venjesto fora che’l ze un gran apasionà de łe graełade de carne co i amighi e che purpio ła carne ła ze el só manjar prefarìo, un ciaro refarimento a [[Parsonaji de One Piece#Monkey D. Luffy|Monkey D. Luffy]], a dir el protagonista de One Piece <ref name="Intervista all’editor Suguru Sugita"> Intervista all’editor Suguru Sugita.[http://www.mangaforever.net/225510/per-leditor-di-one-piece-il-manga-non-e-ancora-all80-ma-lui-conosce-il-finale Intervista all’editor Suguru Sugita]</ref>. Par de pì savemo che Oda el ze nativo de ła prefetura de ''Kumamoto'', a dir na zona de'l Japon che inte'l 2016 ła ze stà colpìa da un forte taramoto che'l ga cauzà 49 morti e un stramaro de dani. E a zunjo de'l 2018 l'aministrasion de ła prefetura ła ga revełà che'l ''mangaka'' de One Piece el ga versà, traverso de do donasion, un totałe de 800 mełioni de yen pa' finansiar ła recostrusion daspó de'l taramoto, na sifra che ła coresponde a sirca 6.300.000 euro <ref name="Oda dona 7,2 milioni di dollari dopo il terremoto di Kumamoto"> Oda dona 7,2 milioni di dollari dopo il terremoto di Kumamoto [https://www.opgt.it/oda-dona-72-milioni-di-dollari-dopo-il-terremoto-di-kumamoto.htm Oda dona 7,2 milioni di dollari dopo il terremoto di Kumamoto]</ref>.