Monarchìa Federałe

Na Monarchìa Federałe ła xe na fórma de governo fata da na federazsion che a capo ghe xe un Sovran (Re, Regina, Prìnzsipe, Sultan) al posto de èserghe un Presidente come 'nte łe Repùbliche Federałi.

No ła va mìa confuxa co l' union personałe de vari Stati parché in qûel caxo lì ogni Stato l'è na monarchìa independente da łe altre ma, par motivi diversi, tuti quanti i ga ła stésa persóna come Re.

Par exenpio: el Cànada el ga ła stésa Regina del Regno Unìo ma tuti du i xe Stati independenti l'un da l'altro cioè ghe xe na union personałe; invezse el Cànada, de suo, l'è divixo federalmente in vari teritori e comunità che parò łe fa capo al governo zsentrałe federałe e donca se pol dir che el Cànada, de suo, el xe na monarchìa federałe.