Difarense intrà łe version de "Windows Media Player"
Pàjina creada co «'''VLC media player''' (zenaralmente conosùo cofà '''VLC''') ze un łetor multimediałe a gratis open source multipiataforma, capase...» |
(Nisuna difarensa)
|
Version de le 23:05, 8 set 2020
VLC media player (zenaralmente conosùo cofà VLC) ze un łetor multimediałe a gratis open source multipiataforma, capase de tór zo dfile audio e video in vari formadi e so vari dispozidivi, zviłupà dal projeto VideoLAN.
Storia
VLC l'ha tacà cofà projeto acàdemego inte'l 1996 co' el nome de VideoLAN Client, drìoman modifegà in VLC media player, l'è stà zviłupà cofà un client e un server par el streaming so ła rède del campus. So'l prensìpio el ze stà zviłupà da studenti de l'École Centrale de Paris ma indrioman l'è stà portà vanti da programadori de tuto el mondo, e'l ze coordenà da l'organizasión sensa scopo de łucro VideoLAN.
El 1º febràro 2001, dopo sìncue ani de zviłupo, el còdaze de VLC ze stà rescriesto da zero e distribuìo soto łisensa GPL. Dal 2009 el projeto VLC ze separà da ła École Centrale de Paris e zviłupà in modo independente dal projeto VideoLAN.[1]
El logo del cono stradałe uzà in VLC, dezenjà a man inte ła varsión ad alta resołusión inte'l 2006 da Richard Øiestad, el sarìa un referimento a 'na cołesión de coni stradałi tenjua da l'asociasión dei studenti de networking de l'École Centrale.[2]
Caratèristeghe
VLC ze un łetor multimediałe disponibiłe par i pì difuzi sistemi operativi intra i cuałi: Microsoft Windows, Android, Linux, Apple iOS e macOS.[3]
El suporta in modo nadivo ła mazor parte dei codec audio e video, sti codec i ze prezenti inte'l file de istałasión del programa.[4] El łetor utiłiza ła łibrarìa codec libavcodec del projeto FFmpeg par zestìr tanti dei formadi suportài, e l'utiłiza ła łibrarìa de decritasión DVD libdvdcss par zestìr i playback dei DVD sifrai. El pol tór zo alcuni tipi de file anca se danezai e/o inconpleti, o torghine zo el contenjuo mentre che i vien descargai da 'na rède peer-to-peer (P2P).
VLC pol èsar utiłizà cofà e client par el streaming e'l riseviménto dei flusi de rède, e 'l ze bon de trasméter tuto ciò che'l pol łèzer. El ga un server integrà capase de uzar vari protocòłi par el streaming in unicast o in multicast su IPv4 e IPv6, so un network a banda łarga e ła transcodifega de file multimediałi.[5]
So Windows, Linux e altre piataforme VLC fornise un plugin par Firefox, el cuało parmete ai utenti de vizuałizar alcuni file de Quicktime e Windows Media diretamente inte ła pajina web senza utiłizar prodoti spesìfeghi de Apple o Microsoft. Da ła varsión 0.8.2, VLC el fornise anca un plugin ActiveX, che parmete ła vizuałizasión de sti file anca in Internet Explorer.
Da ła varsión 3.0.0 A se pol vizuałizar video a 360° e in varsión beta ze disponibiłe el suporto a Google Chromecast.
Formadi suportài
VLC pol łèzer tanti formadi e contenjidori audio e video drìo el sistema operativo so'l cuało el vien ezeguìo. Intra i formadi audio l'è suportà ła łetura de CD Audio, file WAV, FLAC, MP3 e altri; intra i vari formadi e contenjidori video ze suportà H.263, H.264, HEVC, Matroska (MKV), AVI, DVD e molti altri. Vista ła stragrànda cuantità de formadi vèci e novi ła so rełativa obsołesensa, par 'na łista ezauriente e azoranda vardar el sito ofisiałe del programa.[4]
Note
- ↑ (EN) News archivevideolan.org. entrada l'11 settembre 2017.
- ↑ (EN) Antoine Cellerier, why the cone?forum.videolan.org, 9 giugno 2005. entrada il 13 agosto 2018.
«They then began a cone collection (which is now quite impressive i must say). Some time later, the VideoLAN project began and they decided to use the cone as their logo.». - ↑ Download ufficiali di VLC media playervideolan.org. entrada l'11 settembre 2017.
- ↑ 4,0 4,1 (EN) VLC Featuresvideolan.org. entrada l'11 settembre 2017.
- ↑ (EN) Overview of the VideoLAN streaming solutionvideolan.org. entrada l'11 settembre 2017.