Difarense intrà łe version de "Figà"

El '''figà''' (anca ciamà '''fegal''' o '''fègato''') el xé na [[giàndoła]] estramural anfìcrina (a secresion endòcrina ed exòcrina, el moła dónca ormoni drénto e fóra de sè) catada sóto del diaframa, infrà sto qua e el colon trasverso e el [[stómego]]. En proiesion su ła parete adominal de vanti el corisponde prinsipalménte al'[[ipocondrio]] de drita e en parte al'[[epigastrio]] e al'[[ipocondrio]] de sanca. El xé l'òrgano più grando del corpo uman daspò ła pełe. El xóga un rólo fondamental 'ntel [[metabołismo]] e el fa na serie de asion infrà łe quałe l'imagaxenaménto del [[glicogeno]], ła sìntexe de łe [[proteine]] del [[plasma (biołogia)|plasma]] e ła purificasion del [[sangue]]. El crea ła [[biłe]], inportante 'ntei procesi de ła [[digestion]] e el xé fin al sesto méxe de vita drénto al ùtero el più importante òrgano emopoetico (chel crea sangue); en caxo de splenectomia, el figà el pol torse ła funsion de far el sangue có che el corpo el se cata sénsa [[milsa]].