Difarense intrà łe version de "Mahatma Gandhi"

 

'''Mohandas Karamchand Gandhi''', in devanagari मोहनदास करमचन्द गांधी ([[Porbandar]], 2 otobre [[1869]] – [[Delhi|Nova Delhi]], 30 zenaro [[1948]]), el xe sta na inportante guida spiritual de l'[[India]]. Difati i ghe disea anca '''Mahatma''', che vol dir ''granda anima''. El xe sta uno dei primi a inventar e metar in pratica la dotrina de la ''non-violenza'' e de la disobedienza zivil, come mezo par oporse a l'opresion del popolo da parte dei goernanti (ne la fatispecie i inglesi, in alora paroni de l'India).

Nel [[1914]] el xe tornà in India, dove el xe deentà subito uno dei prinzipali sostenitori de l'indipendenza dai inglesi, guadagnandose na grandisima amirazion da parte del popolo. Tra le so iniziative pi famose ghe xe el ''swadeshi'', cioè el boicotagio de le merci straniere: inveze de cronpar le stofe filà in Inghiltera, i indù i gavea da metarse el ''khadi'', un vestito de coton fato in casa. Gandhi stesso el dasea l'esenpio tessendose da solo i vestiti che'l gavea intorno.

 

N'altro episodio famoso xe sta la Caminada de la Sal. Sicome el goerno colonialista britanico el gavea messo na tassa su la [[sal]], tante fameje pitoche le se catava in dificoltà. Alora Gandhi e i so sostenitori, par no pagar na tassa che secondo lori la xera ingiusta, i ga ciapà su a pié e i ga caminà par vintiquatro giorni fin al mar, par catarse su la sal da soli, a maca, cioè gratis. Partii el 12 de marzo del [[1930]] da Ahmedabad (India ozidental), in sole 78 persone, i ga fato dosento miglia catando su gente da tuti i posti dove i passava. El 5 de avril i xe rivai a le saline in diverse migliaia de persone: subito la polizia la ga zercà de fermarli coi manganei, ma vedendo quanta gente ghera, e vedendo che tuti i tirava driti senza scapar né reagir ai colpi, ghe tocà farli passar.