Difarense intrà łe version de "Storia del Maroco"

La '''storia del Maroco''' la scominsia co el neolitico. I ricatamenti paleontologici i dixe che i primi abitanti del Maroco i xe rivà qi da est e che i fasea parte de la cultura capsiana, nome che vien da quel de Capsia (ancò Gapsia) na sità en [[Tunixia|Tunisia]].

 

 

== Islam ==

Le invasioni arabe le xe rivà en [[Maroco]] en tel VII secolo e i berberi i xe stà convertidi co la forsa, ma i no xe riusidi a far canbiar le tradisioni. I berberi i gha speso rivestì de Islam i loro costumi e cultura, el xera on modo de resistar a i opresori arabi.

 

En tel 788, Idris ibn Abdallah el gha fondà la dinastia Idrisica, e el gha portà el Maroco a esar on sentro de cultura e potere. La regina Saida Zahira la gha espanso el so regno da la region de l’Atlas fin a tor el posto de i Idrisidi en tel X secolo.

En te i secoli XI e XII, le dinastie berbere Almoravide, Almohade e Marinide le gha controlà el Maghreb e l’[[Andalusìa|Andalusia]] ([[Spagna]]). Ste dinastie no le xe sta boen de darghe unità a la popolasion. La dinastia Saadi la gha governà sul Maroco dal 1511 al 1659, seguida da la dinastia Alauita, che la gha governà fin a i tenpi moderni.

Dopo verghe conquistà la cavedal Fes, i Alauiti i gha conquistà Marrakech e portà on senso de unit al paexe. Anca se a i inisi el regno el xera pi picolo del Maroco de ancò, i Alauiti i xe stà boni de conquistar novi teritori col pasar de i ani. Co el tenpo, i Alauiti i gha perso autorità, ma i xe riusidi a mantegnar l’indipendensa, en on periodo co tuti i paexi visini i xe cascà soto l’influensa otomana o de le potense eoropee.

 

I inglexi i gha riconosù a la Fransa el dirito de interesarse al Maroco. La Germania la gha obietà. Co el tratato de Algericas del 1906, le potense eoropee le ghe dava a Spagna e Fransa el mandato de interesarse del Maroco. I todeschi i gha creà na seconda crisi en tel 1911 e el tratato de Fes (1912) el sa risolto col trasformar el Maroco en on protetorato francexe. El tratato el ghe dava a la Spagna el control de serte rregioni. El sultano el regnava ma no podea governar. La Fransa la gha svilupà el setore minerario e agricolo.

 

 

== Indipendensa ==

El sultan Mohammed V el xe stà bon de negosiar el pasagio a l’indipendensa sensa crear strapi par i do paexi. El gha anca dato la posibilità a I grupi de oposision de participar a la vita politega del paexe trasformando el sultananto en ona monarchia parlamentare. L’indipendensa la xe rivà el 7 aprile 1956. La Spagna la gha restituido la so parte de Maroco en tel 1958, ma la tegnù el controlo de Ceuta, Melilla e altre aree che le xera spagnole anca prima del tratato de Fes.

 

 

== Mohammed VI ==

Dopo poche ore da la morte de so pare, Mohammed VI el xe stà incoronà re del Maroco. El gha subito vù na fama de modernisator. Dopo pochi giorni el gha parlà a la television prometendo la lota a la corusion e de laorar par lo svilupo. El gha anca promeso de mejorar el rispeto de le libartà siviche. En tel 2004 el gha promoso de le legi che ghe da a le done pi libartà.