Difarense intrà łe version de "Storia del Sahara Ocidentale"

 

== I almoravidi ==

En tel 1030 i almoravidi che controlava el Maroco i gha scominsià a strenzar de le aleanse co le tribù berbere che le vivea en tel Sahara Ocidentale. I almoravidi i xe rivadi così a controlar parte del apexe, sensa mai darghe na unità aministrativa. Dopi i almoravidi, i almohaidi e i marinidi i gha continuà el proceso de arabizasion. Le tribù arabe de origine yemenita mandade da i fatimidi egisiani le gha influensà la cultura fin che ancò se parla ancora el dialeto arabo de origine yemenita. L’arabizasion de i saharawi la xe ndà vanti fin al 1400 sirca.

 

== Dominio marochino ==

=== I Saadiani ===

Co l’arivo al potere de la dinastia saadiana en Maroco, l’influensa del paexe nordafricano so el Sahara Ocidentale la xe divegnuda forte. I saadieni i rivavi a controlar el deserto fin quasi a [[Timbuctù]] e la costa fin al Senegal. L’esercito de Ahmed al Mansur Saadi el gha vinto la bataja de Djouder (1591), che la gha segnà la fine del regno de Songhai e esteso el so dominio en Africa. Co la morte de al-Mansur (1603), i fioi i se sa diviso el regno che a so olta el sa spacà en tanti feudi. El controlo marochino el xe presto spario en tuto el Sahel. En tel 1632, Gao e Timbuctù le xera indipendenti. Anca en tel Sahara Ocidentale, le tribù berbere le xera libare dal controlo marochin.

 

=== I Alouiti ===

En tel 1644, le tribù sanhadja le se sa reoltà contro le tribù hassaniya, da do vegnea i saadiani. Dopo trent’ani de guera, i arabi i xe tornà en control del deserto. Moulay Ismail, de la dinastia alouita, el gha comandà tante incursioni en tel deserto (1724 – 1727) par rinforsar el controlo marochin. Dopo la so morte, i marochini i gha n’antra olta perso el control direto de la region. En tel 1767 el sultan Mahammed III el gha firmà el tratato de Marakech co el re Carlo III de Spagna do el riconose che le Ixole Canarie le xe de la Spagna che la povea anca controlar el teritorio a sud del uadi Noun, el testo arabo del tratato el xe diverso da quelo spagnolo e ghe daria manco libartà a i spagnoli.

 

 

== Colonia ==

I pescadori spagnoli de le ixole Canarie i gha costruio varie baxi tenporanee so le coste del Sahara Ocidentale longo i secoli. En tel 1881, la ''Sociedad Pesquerías Canario-Africanas'' la gha ostruio on inbarcaredo so la Ponta Durnford. En tel 1884, Emilio Bonelli y Hernando de la ''Sociedad Española de Africanistas y Colonistas'' el gha firmà on tratato co i capi saharawi che i gha cedù la penixola del Rio de Oro, do ancò se cata la sità de Dakhla. El 26 dicembre 1884 la Spagna la proclama el protetorato del Rio de Oro da el Capo Bojador al Capo Bianco. La [[Conferensa de Berlin]] la riconose le rivendicasioni spagnole. El protetorato el vien esteso el del 1887 fin a Seguia el Hamra so la costa e par 240 km a l’interno. En tel 1900, Fransa e Spagna le firma el tratato de Parigi (27 giunio) par defenir el confin tra Rio de Oro e Mauritania. El 4 otobre 1904 la Convension de Parigi la fisa anche el confin a nord tra Rio de Oro e Maroco Spagnolo.

 

 

=== Tensioni ===

El Maroco el xe diventà indipendente en tel 1956. I pi radicali i gha voluo subito riconquistar i teritori che i xe aprtegnùal Maroco en tel pasà par ricrear el «Grande Maroco». I marochini i volea che la Spagna la ghe dese la colonia del Sahara Spagnolo e che i francexi i ghe dese la Mauritania. El Maroco el se sa oposto a l’indipendensa de la Mauritania e a la so entrade en te le Nazioni Unie. En tel 1956 el Maroco el ga creà la Armata de Liberasion del Maroco del Sud par parar via i spagnoli da l’[[enclave]] de Ifni. L’Armata la ga vinto le prime bataje ma la xe stà respinta da i spagnoli jutà da i francexi ent el febrar 1958. La Spagna la ga restituì la Strisia de Tarfay al Maroco en tel 1958 ma la reunise tuti i teritori de la region soto el nome Colonia Del Rio de Oro e Saguia el-Hamra co cavedal a [[El Ayun]].

 

 

== Guera ==

El 11 dicembre 1975 le trupe marochine le gha ocupa El Ayun, el 20 dicembre i mauritani i gha ocupà el sud del teritorio. El 12 genaro 1976 le ultime trupe spagnole le lasa la colonia. I ocupanti i scominsia subito a arstar la zente, torturar i ativisti politeghi e a usar el napalm contro i sivili. El [[Fronte Polisario]], sostegnù da l’[[Algeria]], el scominsia la guera contro i ocupanti. El exercito marochino riese a parar via i guerilieri, mentre che el esercito mauritano el gha perso el confronto.

En tel febraro el Fronte Polisario el proclama la Republica Araba Saharawi Democratica che la vien reconosuda da l’Algeria.

El Fronte Polisario el ga subito ocupà la zona de Bou Craa e impedio lo sfrutamento economico de i fosfati. La majoria de la popolasion la xe scampà a Tindouf en Algeria do la vive en canpi profughi. Dopo le prime perdite contro i marochini, i guerilieri i canbia la situasion fin al punto de atacar i soldadi marochini en Maroco.

 

En tel 1980, par fermar le incursioni de i guerilieri, el Maroco el scominsia a costruir le [[Muro marochin|mura]] en tel deserto. Le mura le xe fate de sabia e piere e le xe altre tri metri, co el fil spinà in sima. Le mura, finie en tel 1987, le riese a tegnar fora i guerilieri, ma la ferma anca el svilupo del teritorio.