Difarense intrà łe version de "Agricultura"

p
Sostitusion varie
p (Robot: Sostitusion automatega (-[[File: +[[Imàjine:))
p (Sostitusion varie)
 
=== Orixane ===
Da la riçerca molecolare e archeoloxega xenerai n'telinte el corsi dei ultimi ani, njien fora che l'agricultura la xé scumisiada n'telinte el mondo in modo indipendente so na area pì grande de chela che se pensava na volta, e semo drio parlar de almanco 11 rejon del vecio e del novo mondo le jera orixani indipendenti de l'agricultura (se pole dire che l'agricultura no la xé sta inventada solo da na persona o on grupo e dopo insegnada ad altri, ma che pì grupi de persone i a ga inventada in difarenti rejon del mondo), ste rejon le xé xeografegamente ixolae e le xé prexenti so caxi tuti i continenti<ref>Larson, G.; Piperno, D. R.; Allaby, R. G.; Purugganan, M. D.; Andersson, L.; Arroyo-Kalin, M.; Barton, L.; Climer Vigueira, C.; Denham, T.; Dobney, K.; Doust, A. N.; Gepts, P.; Gilbert, M. T. P.; Gremillion, K. J.; Lucas, L.; Lukens, L.; Marshall, F. B.; Olsen, K. M.; Pires, J. C.; Richerson, P. J.; Rubio De Casas, R.; Sanjur, O. I.; Thomas, M. G.; Fuller, D. Q. (2014). "Current perspectives and the future of domestication studies". Proceedings of the National Academy of Sciences 111 (17): 6139. doi:10.1073/pnas.1323964111.</ref>. El primo xvilupo l'è de çirca 11.500ani fa, indipendentemente n'teinte la mexa luna fertile e al Chogha Golan (n'telinte el chel che onco se ciama [[Iran]]), andove se inpiantava el orxo selvadego, gran e lenteje e dove le forme domestiche del gran le xé vegnue fora sirca n'telinte el 9800 aC<ref>"Farming Was So Nice, It Was Invented at Least Twice". Science. 4 July 2013.</ref>.
L'agricultura la se saria de conseguensa xvilupada sirca 10.000 anni fa traverso la [[Domesticasion de le piante|domesticasion]].
 
Anca se existe exenpi de insediamenti stansali prima che se scumisiase a coltivar, xé sta proprio col scumisiar de l'agricultura che xé sta da el via al xvilupo de comunità che stava ferme so on posto. che pian pian le divegneva senpre pì grandi e che col tenpo le ga scumisià a struturarse faxendo vilaji e çità.<ref>{{Cita libro|titolo=[[Breve storia della vita privata]]|autore=[[Bill Bryson]]|editore=Guanda|anno= 2011|annooriginale=2010|pp=38-44|ISBN=978-88-6088-415-2}}</ref>. L'economia de l'[[Egito]] la jera baxada so l'agricultura e la xé stada tra le prime popolasion a doparar el [[versoro]] in legno, e la [[sapa]], soratuto n'teinte la conca del [[Medio Oriente]] e del Mediteraneo, l'omo, na olta d'asada la vita da nomade par star fermo so on posto, el ga scumisià a domestegare le bestie. L'arlevamento el dava co sicuresa na major disponibilità de [[carne]] e de [[late]], oltre che [[Materia prima|materie prime]] come la [[lana]] e [[Pele|peli]] fin a che no se ga scoerto i [[motori a s-ciopo]], che la xé stada la pì inportante forsa de laoro come ajudo n'teinte l'araura e n'teinte la bonifega
 
El raporto intrà la proprietà de la tera e el rolo sociale, el jera divegnesto suito inportante. N'tel mondo clasego e latin, el sistema agraro el se baxava so la divixion de la tera in baxe a le exigense de la cità e sol <nowiki>'</nowiki>''[[ager publicus]]''<ref>Nell'[[storia romana|antica Roma]], le leggi agrarie prevedevano che il terreno di patrimonio pubblico, frutto di conquiste militari, fosse concesso in uso ai contadini. L<nowiki>'</nowiki>''[[ager publicus]]'' sparì intorno al II secolo d.C.</ref> oltre che n'teinte la rodasion ogni do ani, andove, in [[Utuno|otuno]], sirca metà de la tera la vegneva samenada co cereali e che l'altra metà la vegneva d'asada dormire. El segondo ano, vegneva invertie le tere. Sta pratega la se ciama .
 
=== Nove piante ===
L'agricultura baxada so la rodasion trienal e sol [[maxegà]] la xé restà dominante fin al XVII secolo.
 
In particolar, n'teinte le rejon del [[belgio]] n'teinte le [[Fiandre]] e n'telinte el [[Brabante Vallone|Brabante]] el teren el jera poco fertile, ma el gran xvilupo del comerço de mare el ghea fato vegner pì granda la domanda de prodoti come el lino, le tele, i coloranti e el pano, l'[[órxo|orxo]] e il [[lovertin|lupolo]], la canapa, le corde e el tabaco e altre. La grandesa de la popolasion la favoriva el xvilupo de l' [[orticultura]] e della [[fruticultura]]. Se ghea scumisià a doparare nove tecneghe baxae so la rodasion plurienal e so la sostitusion del maxegà co le bestie, anca par otegnergine el conçime nadural.
 
Ste inovasion le xé vegneste da suito studiae da esperti eoropei e americani. L'Inglese Richard Weston el ghea vixità le provinçe flaminghe intorno al [[1650]] e el ghea dito n'teinte na so famoxa opara ''A discourse of husbandrie used in Brabant and Flanders'' el metodo de sti cua chel jera baxà so la [[rotaẑion de le colture]] (lino, rapa, avena, trifojo). I novi metodi i ghea dato nasita al cusita dito ''sistema di [[Norfolk]]'', xeneralmente considarà el prototipo de na nova agricultura, che grasie a la rodasion e altri aspeti, come le reçinsion, grandi axiende, el [[versoro]] in metal tirà da cavi e altri.. i ghea consentio a l'inghiltera de [[Esportasion|esportar]] grande cuantità de gran e farine n'telinte el periodo [[1700]]-[[1770]]. Segondo Bairoch, el xvilupo de l'agricultura in sto periodo, el ga contribuio a la rivolusion industriale, grasie a la domanda de novi versori e altri arnexi in metal.
 
[[Imàjine:Italian peasant girl.jpg|thumb|Xovane condadina de fine Otoxento|314x314px]]
La rivolusion industrial la ga portà da le canpagne tanti laoradori che i se spostava verso altri continenti e/o grande çità. N'te le nostre xone, la [[migrasion]] la xé stada da le rejon del sud italia verso le rejon [[Piemonte]]/[[Vèneto|Veneto]]/[[Emiłia|Emilia]] e par contrastarla el governo ghea meso xò on pian de bonifeghe de tere goernadive che le vegnea doparae par farghe agricultura.
 
N'tel corso del XIX secolo, i arnexi da laoro i xé mejorai, novi sistemi par samenare, nove samenti e de conseguensa nove piante che produxeva tanto ([[fagopyrum esculentum|mais]]), la nasita de le machine agricole e dei conçimi chimeghi, i ghea dato vita a na granda ristruturasion rurale che la ga dato el via a la costrusion de nove altre machine e arnexi par tute le exijense laoradive agrarie. L'atività agricola la jera divegnua da là a poco de tipo industrial n'teiintei paexi ciapai ben economegamente, e n'telinte el contenpo n'telinte el eoropa del est, [[Merica latina]], [[Axia]] e [[àfrica|africa]], xé restai grandi tere no coltivae, anca se se podeva farlo
 
<br />
=== Agricultura moderna ===
N'tei secoli e sin a tenpi viçini al nostro anca n'telinte el mondo oçidental, l'agricultura la ga vuo senpre primaria inportansa par el xvilupo dei popoli e dei inperi. Uncò la xé caxi senpre degnada de on atension superfiçal n'teinte le economie moderne e n'telinte el contenpo la continua a restar la fonte primaria de soravivensa e dei paexi pì poareti e indrio. L'inportansa de l'agricultura l'è dimostrada dal fato de esar a tuti i efeti na [[sienza|siensa]] e de esar ormai al confine co tante altre siense come la [[xenetega]] e la [[biołoxia|bioloxia]] sia animal che vexetal.
 
==== Rivolusion verde ====
I goerni dei paexi industrialixai intrà el [[1960]] e la fin dei ani novanta, le ga butà drento te l'agricultura la cusì ciamada [[rivołusion verde]], o sia i ga investio tanto n'teinte la riçerca agricola, diretante n'teiintei canpi dei agricoltori, çercando altri sistemi par produre de pì. Dopo sti finansiamenti, se ga scumisià a xvilupar pestiçidi e fertilixanti, incorajando i agricoltori a dopararli a doparar ste nove tecnoloxie e rivolusionando le tradisional prateghe agrarie e co l'abandono e l'esinsion de tante varietà locali e tradisionali.
 
L'agricultura moderna la se baxa senpre pì so l'imision de enerxia esterna al sistema soto forma de [[fitofarmaco|fitofarmaghi]], mecanixasion, [[fertiłixante|fertilixanti]], [[inxegneria xenedega]], [[tecnoloxia]], se parla de conseguensa de [[agricultura intensiva]] el contrario de l'[[agricultura estensiva]].
 
Dixendo in manjiera ciara che doparando na laorasion agricola intensiva masa spenxua, la xé na roba negativa e che ghe xé na continua cresita dei fabixogni de magnar mondiali, la neçesità de tegner basi costi del magnar, le tere coltivabili che le vien senpre manco e l'exijensa de coltivar anca n'teinte le xone andove saria mejo no farlo (a volte anca incuinae) e de dover otegnere prodoti de alta cualità nutrisional, ste situasion le mete i operadori davanti a na sfida granda.
 
Le laorasion tradisionali doparae prima de la rivolusion verde, le ghea el difeto de no esar in grado de dar prodoti de granda cuantità e economeghi e no i jera in linea co i standard de cualità de sicuresa inposti da la leje e de conseguensa par leje no se pole vendarli a livel industrial. Na parte de sta agricultura tradisional, al dì de oncò la ciapa el nome de [[agricultura biołoxega]] che la xé on gran toco de marcà, chel ga na gran rilevansa e de preso medio-alto.
189 025

contribusion

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Speçałe:DiffMobile/891047"