Nicolò e Matteo Polo i xera do fradei venesiani che i traficava spéso con l'Oriente, e inte'l el [[1252]] i xera nà star a [[Istanbul|Costantinopołi]], da 'ndove i xe partìi inte'l el [[1259]] direti verso Est, rivando infine inte'l el [[1266]] a Khanbaliq, el vecio nome de [[Pechin]], dove i xe stà risevùi dal Gran Khan dei Mongołi. Tornai na prima 'olta a Venesia, i do fradei i xe ripartìi inte'l el [[1271]] insieme co'l fiol de Nicolò, Marco, che'l gavea 'pena disete ani, rivando quatro ani dopo a Khanbaliq. I Polo i xe restai in Cina par altri 17 ani, e Marco el xe deentà un streto cołaborador e amigo del Khan, che el lo mandava in mision diplomatiche in giro par el so inpero, e el se faxea descrìvar da lu łe tere che'l gavea visto inte i so viaji e łe storie che'l gavea sentìo.
Dopo el so ritorno a Venesia inte'l el [[1295]], Marco Polo el xe stà ciapà dei [[Genoa|Xenovexi]] durante un scontro naval, e el xe stà tegnù prigioniero par calche mexe, durante sto periodo de tenpo el gà detà ła storia del so viajo a fra' Rustichello da Pixa, che'l la gà scrita inte'l el Miłion.
== Controversie ==
In [[Croàsia]] se dixe che Marco Polo sia nasuo inte l'ixoła dalmata de [[Curzoła]] e donca el xè croato. No ghe xé però nisuna evidensa storica de sto fato.
