L’afrikaans s'à desvilupà da l’olandexe meridional parlà da i coloni de Cità del Cavo fin dal [[1652]]. Zà inte'l el XIX sècolo i olandexi i considerava la lengua del Capo cofà un dialeto de la so lengua (Cape Dutch o Kitchen Dutch, co senso pezoratìo). L’afrikaans el ga anca vù de le influenze da le lengue de i altri coloni (franzese, todesco, scozzese), de popolazion che xe stà portae al Cavo cofà s·ciavi o marcanti (indiani, malesi, malgassi), e da le popolazion locai (khoi, san e popoli bantu). A la fin del XIX sècolo el xe stà reconossù cofà lengua, e dal [[1925]] cofà lengua ufizial del Sudafrica. L’afrikaans el xe la ùgnola lengua europea che la se gabia trasformà inte na lengua nova in Africa.