Difarense intrà łe version de "Wikipedia:Ciàcołe/Archivio/5"

Salve a tuti. Vorìa verzar du novi namespace: "Portałe" e "Projeto", con łe rełative pagine de discusion "Discussion portałe" e "Discussion projeto" co ła dopia S par uniformità con "Discussion utente" etc.). Sti namespace i servirìa par metarghe łe pagine dei portałi e dei projeti che finora łe xe sul namespace "Wikipedia", prexenpio ła pagina [[Portałe:Africa|Wikipedia:Portałe Africa]] ła deenta senplicemente [[Portałe:Africa]] che xe pi ordinato e pi façiłe da tegnerse in mente (par chi che no savese sa che l'è un namespace, vedi: [[:it:AiutoJuto:Namespace]]). Par verzarli serve el consenso esplicito de ła comunità, per cui par piaxer metì tuti quanti el vostro voto. [[Utente:L.V.|LV]]~[[Discussion utente:L.V.|El me diga, sior]] 14:14, 24 gen 2008 (UTC)

== AiutoJuto con una traduzione ==

Ve segnalo che gò tacà su na pagina [[Wikipedia:Risorse utiłi]], dove gò meso na serie de siti e dizsionari veneti che pol èsar utile consultar. Spero che i posa servirghe de ajutojuto a i utenti de sta wiki. Se conosì altre risorse che pol servir, zontèle pure su chela pagina lì. Ciao a tuti [[Utente:L.V.|LV]]~[[Discussion utente:L.V.|El me diga, sior]] 16:20, 29 feb 2008 (UTC)

Xe un toco che ghe penso su su sta roba... e desso finalmente ve digo la me opinion. Xe da quando che so rivà qua che son drio sercar de capir n'atimin come funsiona ste "convenzsion de scritura"... finché vardando i comenti veci a go catà la pagina [[Grafia Veneta Unitaria]]... che da quanto lezo xe sta fata col patrocinio de la Zonta Regionale de la regione Veneto, da na squadra de gente che, da na rapida ocià in interne, me par che i sia quasi tuti esperti linguisti de chiara fama o comunque studiosi del veneto da lungo tempo. Da quel'altra parte, vardando [[AjutoJuto:Convension de scritura/Vecie|AiutoJuto:Convenzsion de scritura]], vedo che le xe sta fate da sto [[Michele Brunelli]], che el sarà anca laureà e tuto, ma el me par un fià massa zóeno par essar zà un grande studioso de la lengua veneta... e in più no se riesse a saver chi e quanti i gabia adotà sta maniera sua de scrivar, ma a ocio me par mìa tanti, parché par esenpio riviste e siti pitosto inportanti come Quatro Ciàcoe e Raixe Venete no i la dopara mìa. Elora mi da ignorante, me domando: ma come xea che su sta wikipedia se racomanda de doparar el sistema de Brunelli, che nisuni o pochi i conosse e dopara, e no el sistema de la GVU, che el xe fato da tanti brai studiosi e el xe l'unico (a quel che me risulta) che el gabia anca na serta "ufisialità" dal momento che el xe sta fato da la Regione? M'è parso de capir che la motivazion sarìa che la permete de "unificar" le parlade, ma chi xe che ga dito che xe quela lì la maniera mejo de farlo? Che autorità gavemo noaltri contribudori de wikipedia, par stabilir che quela de Brunelli la sia la maniera "giusta" de scrivar in veneto? Par mi dovaressene senplicemente seguir l'unica grafia veneta "ufisiale", cioè la GVU. La gavarà i so pregi e i so difeti come tuto, ma no ne toca mìa a noaltri decidar quala xe mejo, noaltri gavemo solo da seguir le indicazion ufisiali, visto che le ghe xe. Secondo mi, naturalmente. Desso sentimo vualtri come la pensè.

Ciao tosi. Mi qua vegno proprio pocheto, ma me vien ło stesso da dir 'na roba. Ghe xe quasi tute łe paxene de servissio o ajutojuto che o łe manca o łe xe scrite in talian. Se i pochi che gira da ste parti, dopo essarse stravià a scrivare łe so voxete, se metesse diese minuti ala volta a tradure o scrivere anca quełe, sensa massa pressa e sensa massa fadiga łe femo vegner fora e se presentaremo mejo a quei che capitarà in futuro. --'''''[[Utente:Cotton|<span style="color:#000000;">Cotton</span>]] ^{[[Discussion utente:Cotton|<span style="color:#708090;">Segnali di fumo</span>]]}''''' 13:43, 28 mar 2008 (UTC)

Riporto da [[AjutoJuto:Convension de scritura/Vecie|AiutoJuto:Convenzsioni linguistiche]] l'enesimo comento de un utente a propoxito de la grafia, sperando che se riesa finalmente un giorno a discutar e sistemar sta question che se tiremo drio da un mucio de tenpo:

:mi e ti parlemo (o scrivemo) ła stesa variante, e anca se l'è vera che n'altri ghemo ła "l", no l'è el steso sono de ła "l" tałiana. Ła nostra convenzsion de scritura l'è sta fata apunto par sercare non de diferenzsiare le varianti (che n'telinte el parlato łe se sente comunque), ma per riusire a trovare un acordo almanco soto el punto de vista de ła grafia. Ła zs l'è un bon compromeso par integrare ła stesa pronuncia de łe basse (/tsinqe/) con queła de la parte superiore (ad esempio la parte lessina o valpolicela /sinqe/). El sistema de scritura l'è unico, come te vołi pronunciare łe parołe, no! Senò se metemo a scrivare in IPA (trascrizsion fonetega)..., ma ogni vozse la podaria essare scrita tante volte quanti i è i paesi de ła venetia--[[Utente:Nick1915|Nick1915]] - ^{[[Discussion utente:Nick1915|dime quel che te vołi]]} 13:44, 14 giu 2008 (UTC)