|
|Patrono = [[San Martin de Tours|San Martin Véscovo]]
|Dì de festa = [[11 de novenbre]]
}}'''Buran''' ła xéxe un'[[ixoła|ìxoła]] abitada de ła [[łaguna de Venesia|laguna de Venesia]]; ła xéxe parte del comun de [[Venesia]]. Ghe abita a ocio 2.700 persone e ła xéxe cołigada co un ponte al'ìxoła de [[Masorbo]].
El só nome el vien fora da ''Boreana'', nome de na de łe porte de ła sità romana de Altin, de quea posta a [[Nord]]-[[Est]], da indove rivava ła [[bora]]; a Buran, e 'nte łe visine ìxołe de Masorbo e de [[Torceło|Torseo]], i xéxe scapai i abitanti de ła granda sità vèneta daspò l'invaxion dei [[Uni]] de [[Àtiła]].
Ła xéxe conosùa per ła łavorasion artexanal dei [[merleto|merleti]] e anca per łe sò tipeghe caxe cołorae.
== Giografia ==
{{legenda|#ff7f50|Teranova}}
]]
Buran ła se cata 'nte ła [[Łaguna de Venesia|Laguna Vèneta]] setentrional, a nord-est de [[Muran]], e ła xéxe cołigada a sta qua traverso el percorso da navegar del canal Bixato-canal Carbonera-scomenzera San Giàcomo. Datorno ła se slarga qualche formasion de [[pałù]], specie ła pałù de Santa Catarina, a sud-ovest, e ła pałù de Buran, a sud est. A nord ghe pasa el canal dei Borgognoni-canal de Buran, col qual se riva a [[Cavałin-Treporti|Treporti]] (a sud) e [[Torceło|Torseo]] (a nord). Sùbito a ovest se trova invese [[Masorbo]], a ła qual ła xéxe unìa traverso un ponte.
Ła xéxe costituìa da quatro ìxołe divixe da tre canałi drénto, chei xéxe el rio Pontexeo, el rio Zueca e'l rio Teranova. Come Venesia, ła xéxe divixa in sinque sestièri, destinti dai sti canałi qua.<ref>In orìxene anca San Martin Sanca e San Martin Drita łe geran divixe da un canal, terà per reałixar ła via e ła piasa Galuppi che ghe xéxe ancuo.</ref>, sui quałi se baxa el sistema dei indirisi:
* San Martin Sanca (586 ab.),
* San Martin Drita (759 ab.),
== Istoria ==
El só nome el vegniria fora da ''Boreana'', un dei quartièri de ła sità romana de [[Altin]], o forse na de łe sóe porte (quea catada a nord-est, da indove ła rivava ła [[bora]]). Buran ła xéxe stada infati tirada su, come łe altre ìxołe visine, dai abitanti de sto séntro chei se ga mési in [[łaguna de Venesia|laguna]] per scapar da łe [[invaxion barbàreghe]], in particołar ai Uni de [[Àtiła]] e ai [[Longobardi]].
Interesanti, ma forse sénsa baxe istòrega, łe ipòtexe che łe revarda l'orìxene del séntro dae dal'istòrego [[Jacopo Filiasi]] ([[1750]]-[[1829]]):
{{quote|St'ìxoła ła ga avùo el nome de ''Burian'', na de łe porte del xà desfà Altin, e sora de sta qua ła famegia Buriana ła ga fondà Buran, ciamà dai latini ''Burianus''.}}
{{quote|Ghe xéxe chi chel pensa che i pòpołi de Buran i fuse cresùi da quei chei abitava Buraneło desfà, chel gera n'altra ìxoła bastansa pìcoła, łontan da sta qua sinque mii de mar a sud, de ła qual se vede łe peche soto l'aqua có sta qua ła xéxe łànpida.}}
Le prime abitasion łe geran poste su [[pałafita|pałafite]] coi muri fati de [[Cana|cane]] e [[paltan]] e soło a partire dal'ano [[1000|Miłe]] łe xéxe stae tirae su caxe in [[quareło|quarełi]]. Buran ła podeva goder anca de un clima bon e san grasie a na serta ventiłasion che ła mandava via ła [[małaria]]. El governo local, de tipo [[Comun medieval|comunal]], el xéxe caxuo bastansa presto soto l'influensa de [[Venesia]] a ła qual el xéxe restà sénpre ligà.
El xéxe stà comun autònomo fin al [[1923]], ano 'ntel qual ła xéxe stada mesa drénto Venesia, co [[Muran]] e [[Pełestrina]]. El só teritorio el se slargava anca su [[Cavałin-Treporti]] e su łe ìxołe de [[Masorbo]], [[Torceło|Torseo]], [[Ìxoła de Santa Cristina|Santa Cristina]], [[Montiron]], [[Ła Cura]], [[San Francesco del Dexerto]].
== Notasion ==
| 