|
[[Imàjine:La Cappella degli Scrovegni.JPG|thumb|Esterno dea capeła dei Scrovegni]]
[[Imàjine:Scrovegni.JPG|thumb|L'interno dea capeła co ła controfaciata e parte dei afreschi]]
Ła '''capeła dei Scrovegni''' (deta anca ''deła Arena'') xe na [[Céxa (architetura)|cexa]] che ła se trova nel sentro storico de [[Pàdova|Padova]] e ła ospita el famoxisimo ciclo de afreschi de [[Giotto|Gioto]] che risałe ai primi ani del [[XIV secolo|XIV secoło]], considerá uno dei capołavori del'arte ocidentałe. Internamente ła xéxe lunga 29,26 metri, larga 12,80 e alta al masimo 8,48<ref name=B98/>.
Nel 2012 ła xéxe stà visità da 356.471 persone.
== Storia ==
[[Imàjine:Cappella Scrovegni enrico.jpg|thumb|Enrico Scrovegni el ghe ofre ała Madona un modein dea capeła]]
Intitołà ała ''stanga dea Carità'', ła capeła xèxe stà costruia e afrescà tra il [[1303]] e i primi mesi del [[1305]] su ordine de Enrico Scrovegni, richisimo banchiere e strosin padovan, come oratorio privato e futuro mauxołeo familiare. Ła gà fata afrescare dal fiorentin Gioto, che el gaveva lavorà pa' i [[francescani]] de [[Sisa|Assisi]] e de [[Rimano|Rimini]], e che el gera a Padova par dipingere al interno dea [[BaxéłegaBaxełega de Sant'Antonio (Pàdoa)|Baxilica de Sant'Antonio]]<ref>Che Gioto gabia lavorà al Santo ła xéxe soło na ipotesi, dato che no ghe xèxe prove che ło conferma, cfr. Gnudi, 1959, e Salvini, 1952.</ref>.
I leterati de chel tempo Riccobaldo Ferrarese e Francesco da Barberino i gà certificà ła prexensa de Gioto al cantiere e quindi ła capeła xéxe una dee poche fra e só opere che ghe vien atribuie co certesa. Anca ła data poe esere considerà atendibie: el teren xéxe stà comprà da Scrovegni nel [[1300]] e el vescovo de Padova Ottobuono di Razzi gaveva dà l'autorixasion a costruire prima de esere trasferio a Aquileia nel [[1302]]. Nel [[1303]] xéxe stà poxà ła prima fondasion (o almanco ła consacrasion dea tera)<ref name=B98/>. Il 1º marso [[1304]] papa [[Benedetto XI]] gà conceso ła [[indulgensa]] a chi che gavese visità ła capeła, che xéxe stà consacrà el 25 marso [[1305]]. Se pensa che i afreschi sia stà exeguii tra el [[1304]] e el [[1306]] o, secondo altri studi, nel periodo [[1308]]-[[1310]]<ref name=B98/>.
Gioto el gà dipinto tuti i muri interni del'oratorio co un progetto iconografico e decorativo unitario, ispirà da un competente [[teołogia|teologo]] [[sant'Agostin|agostiniano]], che secondo G. Pisani gera [[Alberto da Padova]]<ref>Giuliano Pisani, ''I volti segreti di Giotto'', Rizzoli, Milano 2008.</ref>. Tra e fonti doparae ghe xéxe stà diversi testi agostiniani, i Vangei apocrifi del pseudo-Matteo e de Nicodemo, ła ''Legenda Aurea'' de [[Jacopo da Varazze]] e, par picoi dettaji iconografici, e ''Meditasion suła vita de Gesù'' del pseudo-Bonaventura, oltre a testi deła tradision medievae cristiana, tra cui l'antico ''El Fixiołogo''.
Nel [[1305]], quando che i lavori gera drio finire, i visini frati Eremitani gà protestà parché in corso d'opera ła capeła gera stà ingrandia rispeto al progeto e ła gera drio trasformarse ne na cexa vera e propria co un campanie. Probabilmente in seguito a ste proteste, ła cexa xéxe stà ridimensionà nea parte de l'abside, come che confermaria ła datasion al 1320 dei afreschi deła stesa abside<ref>Decio Gioseffi, ''Giotto architetto'', Milano: Edizioni di Comunità, 1963</ref>. XéXe in ogni caxo sicuro che l'atuałe campanie visin ała capeła no el xéxe originałe.
Ŀa capeła, acquisia dal Comune de Padova nel 1880, ła gera cołegà in origine co un ingreso laterałe al pałaso Scrovegni (che deso no el esiste più), costruio visin ai resti deła arena romana, sora ai quai ghe xéxe deso el spiaso davanti l'entrata deła capeła. Dal'Otosento ła capeła xéxe stà diverse volte restaurà co scrupoło, garantendo cusì l'odierno otimo stato de conservasion<ref name=B99>Baccheschi, cit., p. 99.</ref>.
=== Atribusion ===
A diferenza dei afreschi del Domo de Assisi, al ciclo dei Scrovegni gà partecipà sicuramente Gioto e se ritien che el contributo deła botega sia stà bastansa limità. Se nota ła prexensa de più man, sopratuto nee raprexentasion secondarie, ma in generale e sene e vien atribuie al maestro fiorentin. I epixodi in cui xéxe più evidenti i contributi dei aiutanti xéxe quei deła vita deła Vergine, l<nowiki>'</nowiki>''Ingreso a Gerusałeme'', l<nowiki>'</nowiki>''Ultima Sena'', ła ''Saita al Calvario'', i medaioni deła volta e dełe fase decorative, alcune ałegorie a monocromo e el ''Giudisio Universałe''<ref name=B98/>.
Suła cronołogia interna del ciclo no ghe xéxe acordo tra i studioxi: alcuni sostien che ła reaixasion sia ndà secondo el sviłupo dełe storie e chi sostien l'oposto<ref name=B98/>. I restauri recenti gà confermà, suła baxe dei intonaci, che ła stexura gà seguio sostansialmente ła sucesion storica dei avenimenti, a partire dałe sene superiori<ref name=B99/>.
== Descrision ==
L'esterno deła capeła se presenta co i matoni a vista e teto a dó falde.
L'interno xéxe a navata unica co volta a botte e pareti lisce, sensa nervature, ideai pa ła stexura de afreschi; sul lato del'altare se trova un coretto, afrescà verso il 1315-1325 da un giotesco locałe, el cosideto "Maestro del coro Scrovegni" co ''Episodi deła vita de Maria Vergine'': ''Funerai, Tranxito, Asunsions'' e ''Incoronasion'', oltre a fase co ''Santi''. Ŀa luneta sora el tabernacoło mostra el ''Redentore'', l<nowiki>'</nowiki>''Orasion nel Getsemani'' e ła ''Flagełasion'', opere de Gioto. Na ''Madona col Puteo'' dentro na nichia xéxe atribuia a [[Giusto de' Menabuoi]] e riferia ała seconda metà del Trexento.
Sul'altare deła capeła ghe xéxe e tre statue rapresentanti ła ''Madona col Puteo e dó angei'', opera de [[Giovanni Pisano]], el scultore più famoso de chea epoca, ciamà da Enrico Scrovegni steso.
=== El ciclo pitorico ===
I afreschi xéxe organixai in quatro fase sudivixe in panei incornixai co dipinte e storie dei personagi prinsipai<ref name=B98/>. Ŀa forma asimetrica deła capeła, co sie finestre solo su un lato, ga determinà el inserimento de dó riquadri nei spasi tra e finestre, e suła parete oposta ghe ne xéxe stà ricavai dó dea stesa mixura<ref name=B119>Bellosi, cit., p. 119.</ref>.
El ciclo pittorico, incentrà sul tema deła salvesa, comprende più de quaranta scene dee ''Storie de Cristo'' e de quełe che e gà precedue (''Storie de Gioachino'' e ''Storie de Maria''), fin ała ''[[Pentecoste (Giotto)|Pentecoste]]''. Suła controfaciata se trova un grande ''Giudisio Universałe''<ref name=B98/>.
Ŀa storia parte dała sena deła ''Gioacchino mandà via dal Tempio'' visin l'arco trionfałe, e ła prosegue verso l'ingreso co e ''Storie de Gioachino e Ana''; ła riprende suła parete oposta co e ''Storie die Maria'' fin ała luneta sora l'altare dove che se trova l<nowiki>'</nowiki>''Annunciasion''. Sul liveło soto ghe xéxe ła ''Visitasion'', che segna ła fine dełe storie mariane e l'inisio dełe ''Storie de Gesù'', che se xviłupa lungo i dó registri sentrałi. L'ultimo riquadro el prexenta ła discexa deło [[Spirito Santo]] sui apostołi (''Pentecoste''). Subito soto ghe xéxe quatordexe ''Alegorie'' a monocromo che simbołegia i ''Visi'' (''Stultitia, Inconstantia, Ira, Iniusticia, Infidelitas, Invidia, Desperatio''), e quatro ''Virtù'' cardinai, ''Prudencia, Fortitudo, Temperantia, Iusticia'', e e tre virtù teologałi, ''Fides, Karitas, Spes''), alternae a finti marmi. El nome del visio o deła virtù xéxe scrito in alto in [[łéngoa latina|latino]] e el spiega e imagini. Vizsi e virtù se frontegia a copia, simboło del percorso verso ła beatitudine, da fare superando con l'aiutojuto dełe virtù i ostacoli dei visi corispondenti.
E sene xéxe incornixae co fase decorative ornate intervałae da composisioni che raprexenta episodi dell<nowiki>'</nowiki>''[[Antico Testamento]]'', contrapunto ideałe co e sene del ''Novo Testamento'' nei riquadri principałi, o busti di ''Santi''.
El caratere de ''ex voto'' deła capeła xéxe raprexsentà nel ''Giudisio universałe'', dove xéxe rafigurà el Scrovegni che el ghe ofre ała Madona, afiancà da san Giovani e santa Caterina d'Alesandria, un modeło preciso deła capeła stesa pa guadagnarse el paradiso.
Gioto gà calcołà co gran precixion el punto de vista ideałe al centro del'oratorio e el gà disegnà l'intelaiatura tra i panei in modo che ła para un finto baxamento in marmo co loge sovraposte. Ła fonte de luce ła xéxe in armonia co ła luce prexente nełe sene. De particołare efeto xéxe ła prexensa dei cosideti ''coreti'', dó finte stanse che se verxe al'altesa del primo registro tacà al coro vero, che e fa intravedere dełe volte a crociera in prospetiva<ref name=B98/>.
Importante xéxe anca el socoło a riquadri marmorei in baso, usà pa ła prima volta, che gavarà un gran séguito nei dó secoi sucesivi<ref name=B119/>. In sti riquadri se trova e ''Virtù'' e i ''Visi'' a monocromo che a sò volta sarà i prototipi de un genere a larghisima difuxion, come nei caxi dei sportei esterni dei polittici fiaminghi, ałe lunete neła ''Camera deła Badesa'' del Correggio.
El sofito xéxe fato a volta con stełe a oto punte (simboło dei santi<ref>Roberto Filippetti, ''L'avvenimento secondo Giotto'', ed. Itaca, 2005, pag. 8</ref>) su un cieło blè oltremare, cołore simboło deła sapiensa divina. El xéxe traversà da tre fase trasversai che crea dó grandi riquadri co al sentro dó tondi dove ghe xéxe rafigurà ła ''Madona col Puteo'' e el ''Cristo benedixente''; tuto intorno ghe xéxe oto ''Profeti'' (sete ''neviìm'' del'Antico Testamento e Giovani Batista), quatro par riquadro. E tre fase traxversałi e gà decorasion simiłi a quełe dełe incornixadure dełe pareti, co inserti che rafigura ''Santi e angeli'' in quea più visina al'altare, e ''Santi'' ne staltre dó<ref name=B98>Baccheschi, cit., p. 98.</ref>.
El ''portałe'' xéxe simboło deła Fede in [[Jesu|Cristo]] mentre ła luce sołare del'alba che entra dała rotonda finestra del'abside xéxe ła luce del Cristo risorto.<ref>Roberto Filippetti, ''L'avvenimento secondo Giotto'', ed. Itaca, 2005, pag. 7</ref>
Suła volta stełà ghe xéxe ea imagine del Cristo Pantocratore benedixente co połexe, anułare e mignoło unii a simboło deła Santisima Trinità, mentre indice e medio xéxe intreciai (simboło deła dopia natura umana e divina de [[Jesu|Cristo]]. Ła idea de [[Dio]] trino e uno ła se ripete co varie simbołogìe. Tre xéxe e absidi, nel'arco trionfałe un triangoło unise el trono de Dio Padre co l'arcangelo Gabriełe, a sinistra, e l'Anunciata a destra. Suła parete de fondo, Cristo-Giudice xéxe vegnuo xó dal trono-trifora. Tre volte e porte de Gerusaeme, tre volte el tabernacoło del Tempio, tre volte el cenacoło, tre volte l'asino cristòforo (''Nadałe, Fuga in Egito, Palme'')<ref>''L'avvenimento secondo Giotto'', Cappella degli Scrovegni, ed. Itaca, p. 7.</ref>.
== Note ==
|
