Difarense intrà łe version de "Giografia de la Somalia"

La [[Somałia|Somalia]] la xéxe on paese de l’[[Àfrica|Africa]] orientale e la ga na superficie de 637 540 chilometri quadrai. La ocupa la ponta de na region ciamada el [[Corno de l'Africa]] parché la mapa la someia al corno de on rinoseronte. En sta region se cata anca [[Etiopia]], [[Eritrea]] e [[Gibuti]].

La Somalia la xéxe formà da altipiani e pianure. En tel nord se cata le Montagne [[Karkaar]] che le riva fin so la costa del [[Golfo de Aden]]. Il clima el xéxe caldo tuto l'ano. La piova la vien en do stagioni, co la luna de primavera e a otobre. El paexe el ga on teritorio semiarido e arido, bon solo par la pastorizia transumante praticà da metà de la popolazion. L’agricoltura la xéxe praticà en tel nord ovest e en tel sud, specialmente en te la region del Giuba. I do fiumi del paese i se cata qi: el [[Giuba]] e l’[[Uebi Scebeli]].

Le coste le xéxe longhe 3 025 km, da [[Gibuti]] al [[Kenya]].

I somali i dixe che ghe xéxe quatro stagioni en te un ano. Do stagioni de la piova (gu e day) e do seche (jilaal e hagaa). La stagione gu la va da la luna de primavera a giugno. En sto tempo i pascoli i xéxe verdi. L’età de la zente la se calcola da el numaro de stagioni gu che la ga visú. Dopola stagion gu riva la stagion Hagaa, seca. A otobre-novembre riva la piova ciamda hagaa e dopo se cata la stagion la pi dura, jilaal.

En tel nord se cata na pianura longo la costa, larga 12 km a ovest, e 2 km a est. Co la piova, la vegetasion la esplode e se cata erba e arbarei verdi. Co la stagion seca, l’erba la sparise. El grupo de montagne del [[Karkaar]], al confin co l'[[Etiopia]], le se leva a 1800 m, fin a rivar a 2100 co la sima del Caseyr. El ponto pi alto de la Somalia xéxe na cima de 2407 m rente de Erigavo.