|
[[Imàjine:Tadarida brasiliensis outflight Hristov Carlsbad Caverns.jpg|368px|right|thumb|Migrasion de oxeli]]
Le '''migrasion''' le xéxe dei spostamenti dei animali che i fà in manjiera regolare, periodego (de stajon), longo percorsi e destinasion presixe, e che i fa viaji anca masa grandi, dopo tornando da dove che i jera partii.
Le migrasion le xéxe invojade da cauxe ligae a la riprodusion (ndare in serca de un logo justo par l'acopiamento, par la gnarificasion o par l'alevamento de la prove) o pure da poco magnare e on anbiente difisile a la vita in serti periodi (ex. co riva la stajion freda inte le xone temperade).
Anca i spostamenti de le popolasion omàne, le xéxe drento a la difinision de migrasion, co on significà on fià difarente, in sto caxo no le xéxe vincolae al viajo de ritorno, come exenpio se pole considerar le migrasion dei popoli barbari come i Longobardi che i se stabilia in Italia a la fin de l'Inpero Roman d'Osidente.
==Migrasion dei animali inte el spesifego==
===Migrasion dei inseti===
Le dimension cee dei inseti, i ghe rende on fià on problema far in manjiera ativa spostamenti grandi, cusita xéxe, che inte le xone tenperae e in chele circunpolari, al soraxontare de la stajon pì freda, la major parte dei inseti adulti more, d'asando i ovi, larve diapauxanti o pochi individui in grado de svernare e garantir la soravivensa de la major parte de le rase. Ma alguni inseti, pesalmente quei co le ale e de dimension pì grande, le xéxe in grado de far grande distanse: a exenpio le cavalete, che, co el magnar el njien mancando andove che i sta, i se raduna in grandi sami (algune volte grandisimi) e i cuerxe grandi distanse a la riserca de nove xone da colonixare.
Migrasion vere e proprie, parò, le njien fate da poche spese, sora de tuto Lepidoteri, Oertoteri, Odonai e Coleoteri. Inte la major parte dei caxi i spostamenti i coinvolxe dò xenerasion sucesive: Una fa el viajo de ndada, la fa i ovi e dopo la more, e n'altra che fa el viajo de ritorno. Comuncue, le ghe xéxe algune spese andove la xéxe la stesa xenerasion a coerxare el spostamento in entrambe i sensi. El caxo pì conosuo, xéxe chelo de la paija monarca del Nord-America, che, ogni ano, al sopraxontare de la stajon freda, se sposta in grandi sami da le rejon setentrionali dei Stati Unii e da chele meridionali del Canada verso la California e el Mesego par svernar, volando anca 4 000chilometri.
===Migrasion dei retili===
Le [[Chelonioidea|gajandre marine]] le fa spostamenti pì o manco grandi par ndar so le spaje andove che le farà i ovi, spiaje andove lore le xéxe nate. Infati, la roba che pì l'asa inpapinai, xéxe che le ricorda de presixo la rota par soraxonxare el logo andove che e l'é nate o, nonostante i sirca trenta ani nesesari par esar mauri.
{{Controło de autorità}}
{{Interprojeto}}
|
