Difarense intrà łe version de "Nùvoła"

[Version verifegà][Version verifegà]
Contenuto cancellato Contenuto aggiunto
VajotwoBot (discusion | contribusion)
p Robot: Sostitusion automatega (-[[File: +[[Imàjine:)
VajotwoBot (discusion | contribusion)
p Sostitusion varie
Riga 1:
{{Variansa|venesian}}
[[Imàjine:Nuvola503.jpg|right|325 px|thumb|Nùvołe de acqua.]]
Ła '''nùvoła''' (dita anca '''nioła''', '''neoła''') ła xe na masa vixìbiłe de pìcołe giosete d'aqua o cristałi de [[giaso]] sospexi 'ntel'[[atmosfera]], sóra de ła [[superfisie terestre]] o de n'altro [[pianeta|corpo planedario]] o un [[satèłite naturałe|satèłite]]. Łe se pol formar struture che łe somégia a nùvołe anca 'ntel spasio intrà łe [[stéła|stéłe]], ma en sto caxo qua no se parla miga de grupi de giose de vaor àqueo. Se parla en sto caxo de [[nube interstełar]]e.
 
Ła parte de ła [[meteorołogia]] che ła studia łe nùvołe e i fenòmeni a łore cołigai ła xe dita [[nefołogia]].
 
Łore łe vien prima e xe cauxa de conplesi [[meteorołogia|fenòmeni meteorołòxici]], come ła [[pióva]], ła [[neve]] e ła [[tenpesta]].
Per somegiansa de forma ła paroła ła xe doprà anca per parlar de [[fumo|fumarèe]] 'ntel'atmosfera o concenstrasion de [[pólvare|pólvere]], [[sabia]] o [[bai|inseti]].
 
Dal pónto de vista de ła [[termodinàmega]] łe nùvołe łe prexenta ła posibiłità de vardar fenòmeni chei càpita drénto un [[flùido]] gasoxo conosuo come ''atmosfera''; łe grandése en xógo łe xe: [[tenperadura]], [[umidità]], [[presion]].
 
[[Imàjine:Clouds and their shadows.JPG|left|300 px|thumb|Nùvołe cołorae de roso, a ła tramontada.]]
== Cołor ==
Łe nùvołe che łe se forma su ła [[Tera]] łe xe fate de [[vaor àqueo]] che, condensàndose, el crea pìcołe gioséte o cristali di giaso, de sòłito de 0,01 [[miłìmetro|mm]] de [[diàmetro]]. Có che se forma grupi de miłiardi de ste giosete, ła se pol véder na nùvoła, de un tìpego cołor [[bianco]], per via del'alta [[refresion]] de ła [[łuxe]] (intrà el 60% e el 85%) su ła superfisie de ste gioséte.
 
Per ła granda [[dispersion]] de ła łuxe 'nte łe gioséte che łe compon ła nùvoła, eła ła pol constar anca [[grixo|grixa]] o, a volte, squaxi [[nero|nera]]. Magior sarà ła densità de ła nùvoła e magior el só spesor, più scura eła consterà. Sto qua el xe el motivo per el qual na nùvoła chel porta tenporal, en xènerxener un [[cumułonénbo]], ła consta vèro scura a ła baxe.
 
Al'[[alba]] e a ła [[tramontada]], łe nùvołe łe pol tor un cołor sìmiłe a queo del sieło, soratuto [[naranson]] e [[Roxa (cołor)|roxa]]. Visin a ła łonghésa d'onda del'[[infraroso]], łe nùvołe łe sarà più scure perché l'aqua che łe costituise ła asorbiria davèro ła łuxe sołar a sta longhéa d'onda qua.
 
== Formasion ==
L'aqua contegnua 'ntei [[mar]]i, [[łago|laghi]] e [[fiume|fiumi]] ła [[evaorasion|evàora]] par l'asion dei ragi del [[Sołe|Sol]] e dei [[vento|vénti]]. Ła masa de aqua che ła salta fóra ła ga n'alta tenperadura e per movimento natural ([[convesion]]) ła va su. Có che ła xe łà, łe tenperadure łe xe cusì base che el vaor el condénsa, formando ła nùvoła.
 
Ste nóve mase łe pol contegnir aqua per mièri de [[chiłogramo|chiłogrami]] che per łore łe starie ben cùsi. Łe precipitasion łe càpita per intervénto de qualcosa de foresto. Infati łe giosete łe ga bexogno de un corpo sòłido sul qual meterse a doso per cascar: sto qua el pol èser un graneo de pólvere chel vien da soto, portà dai venti. De sòłito, però, càpita che ghe sia na corénte de aria fréda che ła giasa parte del aqua, che de conseguénsa casca xó. Per sta roba xe comun dir che pióve de siguro có che ghe xe nùvołe e riva na ventada fréda.
 
El giaso el pol cołar, naturalmente, se ghe xe na tenperadura atmosfèrega che ła sia bastansa alta e cusì pol cascar ła pióva. Có che xe frédo casca xó [[neve]]. Ła [[tenpesta]] ła pol èser anca de [[primavera]] o [[istà]], perché drénto łe nùvołe ghe xe corénti che łe slarga i tóchi de giaso e i no ga ténpo de cołar prima de rivar per tera.
 
== Altri progeti ==
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Nùvoła"