Difarense intrà łe version de "Piove de Saco"

El teritorio de Piove de Saco el jera abità forse xà in età paleovèneta e'l xéxe deventà soto i Romani n'inportante nodo stradałe e fluviałe. Infati par ''Plebs Sacci'' ghe pasava łe Vie Annia e Popilia e i fiumi [[Bacajon|Bachiłion]] e [[Àdexe]]. 'Ntei tinpi soto i łongobardi ła sità ła xéxe deventada sede de n'arimano (cao tribù), 'ntel'[[VIII sècoło]] ła xéxe pasada soto el controło dei carolingi par devégnare daspò, dal'[[880]], teritorio del vescovado de [[Pàdova]]. In sto ténpo ła xéxe stada fortifegada coi terapiini che i caraterixa anca 'ntei jurni de ancuo l'aspeto a forma de [[quadriłàtaro]].

'Ntel [[XIV secolo|XIV sècoło]] Piove de Saco ła xéxe 'ndada soto l'influénsa dei siuri de Pàdova, i [[Cararesi]], che i ga conpletà łe fortifegasion col'edifegasion de grande tore a łe porte de intrada, ma mantegnéndo sénpre ła despoxision orixenaria a forma de retàngoło. Con ła fine de ła signoria padovana, sta xona ła xéxe pasada 'nte łe man de ła [[Republica de Venesia|Serenìsima]] e ła despoxision urbanìsega ła xéxe restada pì o manco sénpre queła, se no consideremo łe numaroxe viłe fate tirar su dai [[patrisiato|patrisi]] de Venesia, fin a ła fin del [[XVIII secoło|XVIII sècoło]]. In sti tinpi qua parici edifisi stòreghi, infrà i quałi el pałaso comunałe e łe porte de intrada, i xéxe stai butai xó, ma i ga tirà su de novo ła céxa de [[San Martin de Tours|San Martin]].

* Ła tore majore, che ła xéxe l'ùnego toco che'l resta de ła fortifegasion cararexe, ancuo ła fa anca da [[canpaniłe]] par el domo de San Martin.

* El domo de San Martin el vien dal [[X secolo|X sècoło]] e'l xéxe stà restorà parece volte, l'ùltima infrà el [[1893]] e'l [[1903]]. Drénto ghe xéxe decorasion da parte de [[Zuan Batista Tiepolo]] (ła pała de ła ''Madona del Carmelo'') e [[Giacomo Sansovin]] (altare del Santìsimo Sacramento).

* El pałaso munisipałe, tirà su col projeto de [[Giuseppe Jappelli]], el xéxe stà fato al posto de queło orixenałe 'ntel [[1818]].

* El santuario de ła Madona de łe Grasie, che'l se cata a un chiłòmetro dal séntro, el xéxe stà fato 'ntel [[XV secolo|XV sècoło]]. El xéxe łigà a n'istoria de du fradełi che, otegnendo l'eredità, i ga litigà su n'imàxene de ła Vèrxene co Gesù. L'intervénto de un putełeto de n'ano el ga portà ła paxe infrà i du e łuri i ga portà l'imàxene 'ntel santuario.

I foresti rexidenti a Piove de Saco al 31 disenbre 2015 i xe {{formatnum:2230}} e i rapresenta 'l 11,31% de ła popolasion rexidente. De seguito ghe xèxe i grupi pi consistenti<ref>{{cita web|url=http://demo.istat.it/str2010/index.html|titolo=Bilancio Demografico e popolazione residente straniera al 31 dicembre 2010 per sesso e cittadinanza|editore=ISTAT|accesso=14 novembre 2012}}</ref>: