Ła '''téta''' ła xéxe n'[[òrgano (anatomia)|òrgano]] de łe fémene che'l serve par far ła [[lat]]e. Tute łe fémene dei [[mamìfari|mamìferi]] łe ga łe tete.
Ła téta umana ła xéxe n'organo pari (ghe ne xéxe dó) e simètrego, catà 'nte ła region vanti del [[torace]], ai lai de ła lìnea mediana, poste infrà el terso e'l sesto spasio de łe [[costa (anatomia)|coste]]. Ła téta ła poxa in particołar su dó struture muscołari: na più fora, [[mùscoło petoral]] grando, e na più drento, pìcoło petoral. L'òrgano el xéxe costituìo in parte da [[tesùo adipoxo]], in parte da struture [[giàndoła|giandołari]]: '
ntel conpleso ste conponénti qua łe costituise ła [[giàndoła mamaria]]. Vien ciamà [[cavésoło]] o cavedin queła pónta final a ła qual i se taca i putei péna nasùi par supiar ła łate.
Fin al ténpo de ła [[pubertà]], łe téte łe xéxe sviłupae al steso modo in tuti dó i sesi. 'Nte ła pubertà el sviłupo de ła téta mas-ciłe el se ferma par via de ła maxor prexénsaprexensa de [[testosteron]]. Ła strutura femeniłe, invése, ła va incontro a un notévołe sviłupo. Ła dimension e ła fórma del'òrgano femeniłe łe se desfernsia dabon par dona. Sta roba ła xéxe sora tuto dovua a ła quantità de tesùto adipoxo prexénteprexente ed a ła só poxision.
Łe tete łe xéxe anca [[caràteri sesuałi]] secondari, overosia parte del corpo che, anca se no łe ga evidénte funsion [[reprodusion|reprodutiva]], łe ga n'inportante róło a revardo: ła fórma e łe dimension de st'organo łe xéxe n'inportante fator che'l influise su ła vałutasion estètega de na fémena e łe influénsa ła sielta del partner.
A Venesia ghe xéxe el [[ponte de le tete]], a [[Rialto]]: 'na volta in sto posto ghe gera un bel fià de [[caxin]]i indove łe [[prostitusion|trogie]] łe faxeva véder łe téte da łe [[fenestra|fenestre]] par atirar cliénti.
