Difarense intrà łe version de "Łuxe"

Ła paroła '''łuxe''' o '''ciàr''' (dal [[łéngoa latina|łatin]], ''lux'', ''lucis'', chel vien fóra a sóa volta dal [[łéngoa greca|greco]] ''λευκός'', ''bianco'') ła se riferise a ła porsion del [[spetro ełetromagnètego]] el se pol véder col'[[ocio]] uman, e el xe a ocio conpréxa infrà 400 e 700 [[nanòmetri]] de łonghésa d'ónda, vero infrà 750 e 428 [[Hertz|THz]] de [[frequensa|frequénsa]]. Sto intervało qua el xe ugual a ła region dr màsima emision da parte del [[sołe]]. I confini del spetro vixìbiłe al'ocio uman i no xe miga uguałi par tuta ła xente, ma i canbia drio el sogeto e i pol rivar a 730 nanòmetri, 'ndando arente i infrarósi, e i 380 nanòmetri 'ndando arente i ultraviołéti. Ła prexensa al stéso ténpo de tute łe łonghése d'onda vixìbiłi en ugual quantità ła forma ła ''łuxe bianca''. I [[rajo|ragi]] infrarósi i no se véde, ma i se pol sentir come [[całor]] su ła [[pełe]]; quei ultraviołeti i fa anca scotadure e łe [[ava|ave]] łe pol vederli.