Nestlè

Nestlé S.A. o Société des Produits Nestlé S.A. (pronuncia: /nɛs'le/ ) ła xe na axienda multinasionałe ativa inte'l setor ałimentar, co sede a Vevey, in Svisera. Ła produxe e destribuise na granda varietà de artìcołi, da l'acqua minerałe ai omoxeneixai, dai surxełai ai łaticini.

Nestlé ła xe ła pì granda multinasionałe ativa inte'l setor ałimentar del mondo.

Storia

El prexidente braxiłian, Lula da Silva, mentre inaugura na inprexa a Feira de Santana

Intorno al 1860, el spesièr Henri Nestlé ga sviłupà un ałimento par i nomenati che no i podeva èsar nutrìi al sen a cauxa de partegołari intołeranse. El prodoto ga salvà ła vita de un putèło, e ła Farine Lactée Henri Nestlé xe presto vendesta in tuta Europa. Inte'l 1866 xe stà formalmente fondà ła Nestlé.

Inte'l 1905, ła Nestlé se ga fondesta co ła Anglo-Swiss Condensed Milk Company. Rapidamente l'axienda xe cresesta fin gaver fabreghe in te i Stati Unìi, inte'l Regno Unìo, in Xermania e in Spagna. Durante ła prima guera mondiałe xe cresùa ła rechiesta de prodoti caxeari, e ła produsion de ła Nestlé ga radopià prima de ła fin del ràdego.

Drìo el fenimento del ràdego el marcà caxeario ga tornà a normałixarse e gran parte dei consumadori xe tornai a łate fresco. Ła Nestlé gavea respondesto a sta muansa de contesto modifegando ła pròpia łinea axiendałe, reduxendo el pròpio debito e scuminsiando a slargarse inte'l setor de ła produsion del ciocołato, che raprexenta ancora al dì d'ancuo ła segonda atività pì inportante de l'axienda.

A l'inisio de ła segonda guera mondiałe, i costrùti de l'axienda xe całai esero bruscamente (dai 20 miłion de dołari del 1938 ai 6 miłion del 1939). Xera stae reałixae nove fabreghe in molti paexi in via de sviłupo, masime America łatina. Pròpio ła guera ga portà a l'invension de un novo prodoto de stragrando suceso, el Nescafé, che xera stà inisialmente utiłixà da l'armada dei Stati Unìi. Anca grasie a sto prodoto, i costrùti de l'axienda xera tornà a creser durante el ràdego.