Difarense intrà łe version de "Stómego"

El [[cardias]] (6) el xe ła "porta" del stómego, che eo divide dal [[esofago]]; el xe na vàlvoła che ła fa pasar el magnar mastega che'l vien xó, e eo sera drénto al'òrgano. Se sto qua el pol èser pericołoxo par l'[[organismo]], el se verxa e'l łasia pasar el contegnù spinto via ła na forte contrasion del stómego: sta situasion ła se ciama [[gòmito]]. El fondo (2) el xe queła gonfiada che no ła se vede inte ła radiografia perché ghe xe aria drénto. El corpo (3) el xe revolto verso drita e streto 'ntelinte el baso; ła mucoxa drénto ła ga pieghe (14) permanénti (có che l'organo el se rilasa, łore łe resta) che łe devénta sénpre più definie e in rilievo verso ła fin cusì łe fréna el contegnùo. L'antro piłòrico (10) el xe queła parte final a forma de [[siłindro]] co pieghe łisie. El [[piłoro]] (9) el xe un [[sfintere]] (mùscoło a aneło) che'l se verxa có l'òrgano el ga finio el só łavoro e'l contegnùo el finise 'ntelinte el [[duodeno]]; a desferénsa del cardias.

L'insieme de tuti sti ełeménti el xe dito [[suco gàstrico]], che'l vien avià anca soło se pensémo de magnar (dónca strangosemo da ła fame e vien fora [[sałiva]] in boca). Łe parete del stómego, in mancansa de fatóri protetivi, łe veria danexàe par colpa del'asidità forte del suco gàstrico, ma'l stómego el manda fora na sostansa, ła [[mucina]], che ła scansa sto problema qua. Ła spesa muscołaùra ła varantise a ła fin i moviménti de smisiamento dei ałiménti, che durante ła permanénsa 'ntelinte el stómego, che'l pol durar da una a tre ore, i se strasforma in [[chimo]].