Na baraca la ze an edificio a pjanta retangolar o quadra che se cata a redoss de un edificio pì grant, e che la ghe ze funsional a questo.

Strutura canbia

De solito la ga na strutura a involucro scatolar. Serte barache le ze fate par intjer de seti matoi (de solito forati), ma la gran part la ga an teler costituì da un numero pari de pilastri de legn, fer, matoi o cimento armà, a i quai ghe gnen dontà la strutura portante del quert, fata de legn o de fer. Al tanponament de i mur al pol esser fat de tole, de lamiere o al pol anca no esserghen. De solito al quert al ze a una o do falde, quatà a cop, scandole, tegole, ondulato, lamjere o qualche olta carta catramada. An tipo particolar de baraca al ze quela de lamjera ondulada col quert tondo che se cronpea prefabricada.

Uso canbia

Le barache le gnen doperade par i pì svariadi motivi. De solito le soperiss a qualche funsion che no la pol esser fata par motivi igienici o de posto 'te el edificio ligà. I usi che se vet pì da spess i ze par al ricovero de machine agricole, trator, machine da segar, machine, atresi vari, stele, fjen, foje. Serte olte la baraca la pol gner doperada anca par farghe inte serte atività, come par esenpio feste, sgnapa da troi, o mistjer.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Baraca&oldid=1063099"