Giuseppe (Bepi) De Marzi (Castello d'Arzignan, in provincia de Vicensa, 1935) el xe on compoxidor, organista e diretor de coro veneto.

Biografia canbia

Dopo averse diplomà in organo, compoxision organistica, pianoforte, diresion e compoxision el se ga dedicà a ła musega da camara e al baso continuo diventando dal 1978 fin al 1998 ł'organista e clavicembałista, nonché vicediretore, dei Sołisti Veneti direti da Claudio Scimone.

El xe considerà uno dei pì rilevanti compoxidori itałiani inte ł'anbito del canto d'autore de ispirasion popołare. Soe łe xe paxene memoràbiłi come Signore delle cime, de cui De Marzi l'a scrito el testo e la musica inte el 1958 par comemorar la morte de un so amico ciamà Bepi Bertagnoli, oltre a Sanmatio, Benia Calastoria, Improvviso, Porta Calavena trate da poexie i cui testi, a volte bucołeghi a volte semplicemente arcaisanti, i incontra na tesitura compoxitiva armonico-mełodica a volte de natura strumentałe (organistico-sembałistega) e che co Il Golico', L'ultima notte, Nikolajewka i ripercore ł'epopea dei alpini in Grecia e in Rusia. Ła so muxega, par quanto compoxitivamente e struturalmente semplice e łineare, no ła xe senpre de faxiłe intonasion par ła presensa difondesta de intervałi de tersa (majore e minore) e de alterasion modulanti.

El xe diretor del coro maschiłe "I Crodaioli" da łu fondà inte el 1958, col cuałe el ga tegnù oltre 2500 concerti in ogni parte del mondo. Co i Crodaiołi el ga reałisà 9 incixion par ła Carosello de Milàn, e publicà oltre sentosinquanta canti novi par łe Edision Curci.


Controło de autoritàVIAF (EN79826551 · ISNI (EN0000 0001 0774 4430 · El vałore SBLV060019 de SBN no el xe mija bon. · GND (DE135308097 · BNF (FRcb14768942h (data) · WorldCat Identities (EN79826551
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bepi_De_Marzi&oldid=1168457"